"Komandam yaxşı çıxış etdi. 90 dəqiqə oyunu lazımı qaydada idarə edə bildik, aqressiv idik. Məni sevindirən odu ki, çoxlu qol epizodları yaratdıq, Qələbəyə layiq idik".

"Football-plus.az" xəbər verir ki, bu sözləri "Neftçi"nin baş məşqçisi Adrian Mutu premyer-liqanın 12-ci turunun "Qəbələ" ilə (0:2) oyunundan sonra keçirilmiş mətbuat konfransında deyib. O, jurnalistlərin suallarını da cavablandırıb.

- Qəbələdəki infrastrukturla bağlı təəssüratlarınız necədi?
- Bura mənim üçün doğmadı. Bir neçə gün Qəbələdə qalmışıq. Hər şey çox yaxşıdı, klubun yaxşı infrastrukturu var. Qəbələ şəhəri də xoşuma gəlir.

- Likas Melano niyə oynamır?
- Oynamağa layiq olmalıdı. Onunla eyni mövqedə olan oyunçularla rəqabətdə qalib gəlməlidi.

- Sizi narazı salan məqamlar hansılardı?
- Bəzi epizodlar var ki, futbolçular boşluqlara yol verirdi. Mən onları ayıltmalı idim. Bu da məşqçi işidi.

- "Neftçi" qol vurmaqda çətinlik çəkir. Bunu necə həll etməyi düşünürsüz?
- Çox yaxşı sualdı. Bəli, çoxlu epizodlar yaradırıq. Rəqib qapısının qarşısında daha diqqətli olmalıyıq.Bunu həll etməyin yolu çox çalışmaqdı. Zamanla aradan qaldıracağıq.

- Aaron Olanarenin durumu necədi?
- Əzələ problemi idi. Ümid edirəm ki, ciddi zədə almaz. Tez-tez meydança dəyişəndə belə hallar olur. Bəzən süni örtükdə oynayırıq, bəzən təbii örtükdə. Hər yerdə Qəbələdəki kimi meydançalar olsa, mükəmməl alınardı.

- Qışda hücumçu transferi istəyəcəksiz?
- İndi bu haqda danışmaq düzgün deyil. Komandanı təhlil edəcəyik. Oyunçulardan tələblərimiz yüksəkdi. Çünki, böyük klubuq. Onlar "Neftçi"nin səviyyəsində oynamalıdı.