"Arsenal"ın baş məşqçisi Mikel Arteta premyer-liqanın 19-cu turunda "Nyukasl"a qarşı keçirdikləri oyunu şərh edib.

"Football-plus.az" xəbər verir ki, ispan mütəxəssis 0:0 hesabıyla başa çatan görüşlə bağlı bunları deyib:

"Komandamla fəxr edirəm. Oyunda üstün tərəf biz idik və çoxlu şanslar yaratdıq. Real qol imkanlarımız oldu və iki dəfə penaltimiz verilmədi. Dəfələrlə rəqibin müdafiəsini yara bildik. Son zərbələrdə dəqiqlik çatmadı. "Nyukasl" yaxşı komandadı.

Sıx qrafikdəyik. Qarşıda kubok oyunumuz var. Bəzi oyunçularımız zədəlidi. "Nyukasl"la matçdakı performansımızı digər oyunlarda da təkrarlaya bilsək, qələbələrimiz sıralanacaq".

"Arsenal" İngiltərə Liqa Kubokunda yanvarın 9-da "Oksford"la qarşılaşacaq.