Markus Reşford bu mövsüm heç özünə bənzəmir. Görünür, “Mançester Yunayted”in hücumçusu komandasının və özünün zəif çıxışına görə ciddi narahatlıq keçirmir.

"Football-plus.az" xəbər verir ki, o, İngiltərə premyer-liqasının son turunda əzəli rəqib “Mançester Siti”yə evdəki biabırçı oyunla 0:3 hesablı məğlubiyyətdən sonra gecə klubuna gedib. “Daily Mail” qəzetinin bu barədə yaydığı məlumatda derbidən bir neçə saat sonra Markusun ailəsi və dostları ilə birlikdə Mançesterin ən yaxşı gecə klubuna baş çəkdiyi bildirilib. Gecə yarısına qədər əylənən gənc futbolçunun növbəti gün məşqə geçikdiyi də qeyd edilib.

Reşfordun bu hərəkəti mövsümü uğursuz keçirən komandanın azarkeşləri tərəfindən birmənalı qarşılanmayıb: sosial şəbəkələr vasitəsilə ona etiraz ediblər. Hələlik rəhbərlik bu mövzuda açıqlama verməyə tələsmir. Maraq üçün qeyd edək ki, Markus bu mövsüm bütün turnirlərdə 13 matçda iştirak edib və yalnız 1 qol vurub.