Qadın futbolçular arasında dünyanın ən populyar simalarından olan Alişa Lemannın başına gələn son hadisə İngiltərədə gündəm olub.

Qeyd edək ki, 24 yaşlı Lemann İsveçrə yığmasının üzvüdü və ''Aston Villa''da top qovur. Yaxşı futbol oynamaq bacarığından başqa gözəlliyi ilə də diqqət çəkən bu sarışın xanımın ''instaqram''da 13 milyondan çox təqibçisi var!

Lemann bir müddət öncəyə qədər ''Aston Villa''nın kişilərdən ibarət komandasının braziliyalı yarımmüdafiəçisi Duqlas Luislə sevgili olsa da, cütlük bu yaxınlarda ayrılmaq qərarına gəldi. Alişa Lemann bir neçə gün öncə əylənmək üçün gecə klublarından birinə yollanıbmış. Burda bir qrup gənc tanınmış futbolçunu belə desək, narahat etməyə başlayıb.

Təsadüfən İngiltərə yığmasının və ''Mançester Yunayted''in ulduzu Markus Reşford da həmin vaxt həmin məkanın VİP-zonasında əylənirmiş. Hadisə ''Chinawhite Manchester'' adlı gecə klubunda baş verib, Reşford ilə Lemann arasında tanışlıq olmasa da, ulduz futbolçu bu xanımı tanıyıb.

Reşford Lemannı belə desək, həmin gənclərin əlindən xilas etməyə çalışıb. O, gecə klubunun işçilərindən xanımı özünün olduğu VIP-zonaya dəvət etmələrini istəyib. Markus ilə Alişa burda həm tanış olublar, həm də bir müddət söhbət ediblər. Xanım bu hərəkətə görə ulduz futbolçuya minnətdarlığını bildirərək dostları ilə əylənməkdə davam edib.

Tez-tez xeyirxah əməlləri ilə gündəmə düşən Reşford ötən ildən Lusia Loi adlı xanımla ailəlidi.

ƏLİ