“Çelsi” böyük məbləğdə ziyana düşüb. UEFA İngiltərə klubunu cərimələyib.

"Football-plus.az" xəbər verir ki, buna “Çelsi”nin natamam maliyyə məlumatları təqdim etməklə klubların lisenziyalaşdırılması və “maliyyə feyr-pleyi” qaydalarını pozması səbəb olub.

Konkret maliyyə sənədərində əksini tapmayan kontragentlərə ödənişlərlə bağlı faktlar aşkar edilib. Bu isə UEFA-nın “maliyyə feyr-pleyi” qaydasının pozulması deməkdi. London klubu bu səbəbdən 10 milyon avro cərimələnib. Qaydaların pozulması hallarına 2012-19-cu illərdə, rusiyalı biznesmen Roman Abramoviç “Çelsi”yə sahiblik etdiyi dövrdə təsadüf olunub. Klubun yeni fəhbərliyi qayda pozuntularını əvvəlcədən müəyyənləşdirib və UEFA-ya məlumat verib. Qeyd edək ki, “Çelsi”nin hazırkı sahibi Todd Boulidi.

“The Times” İngiltərə Premyer-Liqasının kluba cərimə kəsə biləcəyini istisna etmir. Qəzetin yazdığına görə, yerli futbol qurumu “Çelsi”nin sabiq rəhbərliyini sorğu-suala çəkə bilər. Bu baxımdan ilk növbədə 2014-22-ci illərdə direktor vəzifəsini icra etmiş Marina Qranovskaya ilə 2004-22-ci illərdə prezident olmuş Brüs Bakın suallara cavab verməli olacağı da vurğulanır.