“2017-ci ildə təsis etdiyim “Güvənli yol Baku” şirkətinin rəhbəriyəm. Şirkətimiz idmançıların hüquqlarını müdafiə edir. Bundan başqa, Braziliya və Portuqaliya kimi ölkələrin futbol akademiyaları ilə əməkdaşlıq edirik. Azərbaycandakı istedadlı uşaqları ora göndərməyə çalışırıq. Romandakı konfrans iki gün çəkdi. Oktyabr 19-20-də orda iştirak etdim. Tədbirdə idman hüquqşünaslarına futbolçuların və agentlərin hüquqlarını müdafiə etməyin yolları öyrədilirdi. Bu konfrans təkcə bizim üçün deyildi. Bilirsiz ki, oktyabrın 1-dən yeni dönəm başladı. Artıq ancaq FIFA lisenziyası olan agentlər oyunçu transferində iştirak edə biləcək. Romadakı təbdirdə futbol menecerləri də yeni qaydalarla tanış oldular. Bu əslində əla gediş idi. Çünki agentlərlə idman hüquqşünasları həmişə əlaqədə olmalıdı. Bu səbəbdən də agentlərlə bağlı qaydaları öyrənməyimiz də yerinə düşdü.

Konfansda Mark Kavaliyero, Massimo Kokkia, Lukas Ferrer, Ulriç Haas, Anne Yakob, Maria Karlsson De Cecco, Erika Montemor Ferreyra, Markos Motta, Katerine Pitre, Sarah Solemale, Yakopo Tognon, Roy Vermeer, Mario Vigna, Luis Villaş-Boaş, Emili Visnoski kimi nüfuzlu adamlar iştitak edirdi. Bu konfransda olmaq, ölkəmizin bayrağını Romada dalğalandırmaq mənim üçün fəxr idi. Hüquqşünaslar üçün əla tədbir idi”.