Ralf Ranqnik Avstriya yığmasını daha uzun müddət çalışdıracaq. Baş məşqçi ilə müqavilə yenilənib.

"Football-plus.az" xəbər verir ki, buna AÇ-2024-ün seçmə mərhələsində milli komandamızın rəqibi olan Avstriyanın final mərhələsinə vəsiqə qazanması şərait yaradıb. Almaniyalı mütəxəssisin sözləşməsi avtomatik olaraq yenilənib: Ranqnik ilə əməkdaşlığın müddəti 2 illiyə uzadılıb. 2022-ci ildə onunla imzalanan müqavilədə seçmə turnirdə uğur qazanılacağı halda müddətin artırılacağı ilə bağlı bənd nəzərdə tutulub. 65 yaşlı məşqçi azı DÇ-2026-nın sonuna qədər vəzifəsində qalacaq.

Xatırladaq ki, Avstriya millisi yığmamızı hər iki matçda (4:1, 1:0) məğlub edib. Ranqnikin komandası hazırda F qrupunda 7 oyuna 16 xalla Belçikadan (17) sonra 2-ci yeri tutur.