AÇ-2024-ün seçmə mərhələsində sabah keçiriləcək Avstriya - Azərbaycan oyunundan əvvəl meydan sahibi komandanın baş məşqçisi Ralf Ranqnik jurnalistlərlə görüşüb.
"Football-plus.az" xəbər verir ki, mütəxəssisin görüşlə bağlı fikirləri belə olub:
"Favorit olduğumuz oyunlardı. Hər kəs Azərbaycanla görüşdən qələbə gözləyir. Növbəti addımı atmalıyıq. Bunu bacaracağımıza inanıram. Topa sahib olmağı bacaran güclü komandaya qarşı oynayacağıq. Ardıcıl 5 oyundu, uduzmurlar.
Heyətdə itkilərimiz var. Bunların öhdəsindən gələ biləcək keyfiyyətli komandayıq".
Ranqnik sabahkı oyunda qapıda Haynts Lindnerin olacağını bildirib. Matça hazır olmayan David Alabanın yoxluğunda isə kapitanlıq sarğısını Marsel Sabitser daşıyacaq.