Bu qrupda inamla turnir cədvəlinə başçılıq edən Macarıstan gözlənilmədən Kaunasda 1 xala şükür etdi.

“Football-plus.az” xəbər verir ki, halbuki macarlar qalib gələcəyi təqdirdə AÇ-yə vəsiqə qazanacaqdılar! Amma komanda fasiləyə 2 top geridə yollandı. Ötən oyunda 2 qol vuran litvalıların sol cinah müdafiəçisi Şirvis bu dəfə də fərqləndi. Qonaqlar 2-ci yarıda ən azı məğlubiyyətdən qurtulmağı bacardılar. Sürpriz xal itkisinə baxmayaraq, macarların durumu hələ də çox yaxşıdı. Qeyri-adi nəsə baş verməsə, artıq növbəti oyunda onlar AÇ-nin iştirakçısına çevriləcəklər. Serbiya ilə Monteneqro arasındakı prinsipial qarşılaşmada sevinən meydan sahibləri oldu. İlk yarıda Mitroviçin gözəl qoluna Yovetiç baxımlı qolla cavab verdi. 2-ci hissədə serblərin bitmək bilməyən təzyiqi daha 2 qolun vurulması ilə nəticələndi. Mitroviç Tadiçin ötürməsi ilə qələbə qolunun müəllifi oldu. Yığmanın heyətində yubiley - 100-cü oyununu keçirən Tadiç də meydanı qolsuz tərk etmədi. Serbiya bu qələbə ilə AÇ yolunda çox mühüm bir addım atdı.

G qrupu
Litva – Macarıstan 2:2 (2:0)
Litva: Zubas, Lasiçkas, Girvainis, Lekiatas, Şirvis (Beneta, 76), Utkus (Kazukolovas, 64), Vorobyovas, Slivka (Novikovas, 90), Gineitis, Çernıx (Yankauskas, 65), Paulauskas.
Macarıstan: Dibus, Neqo (Çobot, 62), Fiola, Lanq, Salai, Kerkej (Z.Nad, 46), A.Nad, Qazdaq (Staylz, 46), Şallai (Bolla, 90+2), Soboslai, Varqa (Adam, 90+2).
Qollar: Çernıx, 20 (1:0). Şirvis, 36 (2:0). Soboslai, 67-p. (2:1). Varqa, 82 (2:2).
Vərəqələr: Lekiatas, 43. Utkus, 55. Soboslai, 55. Kazukolovas, 71. Fiola, 74. Lasiçkas, 90 – sarı.
Hakim: Yucin Caya (Albaniya).
17 oktyabr. Kaunas. 5349 tamaşaçı.
Serbiya – Monteneqro 3:1 (1:1)
Serbiya: V.Milinkoviç-Saviç, Jivkoviç (Babiç, 90), Milenkoviç, Velkoviç, Pavloviç, Mladenoviç (Kostiç, 46), Qudel (Maksimoviç, 68), İliç (S.Milinkoviç-Saviç, 46), Tadiç, Lukiç (Samardziç, 79), A.Mitroviç.
Monteneqro: Miyatoviç, Maruşiç, Tuçi (Muqoşa, 85), Saviç, Tomaşeviç, Vukçeviç (Radunoviç, 31), Tsamay (Yovoviç, 72), Kuç (Raiçkoviç, 85), Yankoviç (Osmayiç, 85), Krstoviç, Yovetiç.
Qollar: Mitroviç, 9 (1:0). Yovetiç, 32 (1:1). Mitroviç, 73 (2:1). Tadiç, 77 (3:1).
Vərəqələr: Qudel, 49. Saviç, 59. Yovoviç, 88. Tomaşeviç, 89 – sarı.
Hakim: Şimon Marçinyak (Polşa).
17 oktyabr. Belqrad. 25884 tamaşaçı.
1. Macarıstan 6 4 2 0 11-4 14
2. Serbiya 7 4 1 2 13-7 13
3. Monteneqro 6 2 2 2 6-8 8
4. Litva 7 1 3 3 8-12 6
5. Bolqarıstan 6 0 2 4 3-10 2
16 noyabr: Bolqarıstan – Macarıstan, Monteneqro – Litva.