Bu tur bu qrupda əsas diqqətlər liderlərin oyununa yönəlmişdi.

"Football-plus.az" xəbər verir ki, Serbiya ilə Macarıstanın duelində qalib gələn tərəf liderlik baxımından çox mühüm addım atmış olacaqdı. Doğma fanatları önündə oynadığından favorit sayılan Serbiya üçün oyun uğurlu başladı. Artıq 10-cu dəqiqədə macarların aparıcı müdafiəçisi Salai topu uzaqlaşdırmaq istəyərkən avtoqol müəllifi oldu. Amma bir ilə yaxındı uduzmayan və yaxşı formada olan macarlar hələ fasiləyə qədər vəziyyəti öz xeyrinə dəyişməyə müvəffəq oldu. Varqa ilə Orbanın 2 dəqiqə aralığında vurduğu qollar Serbiyanı şoka saldı. Meydan sahibləri sona qədər də bu şokdan ayıla bilmədilər. Qrupdakı əsas rəqibini səfərdə məğlub edən Macarıstanın qalan turlarda zirvəni əldən verəcəyi inandırıcı görünmür. Bu oyundan fərqli Kaunasdakı qarşılaşmada əsas hadisələr 2-ci hissəyə təsadüf etdi. 71-ci dəqiqədə hesabı açan Litva 14 oyunluq qələbəsiz seriyaya son qoymağın planlarını cızarkən Monteneqro geridönüş edərək 2 qol vurdu. Qələbə sayəsində Miodraq Raduloviçin komandası xal hesabında hətta Serbiyaya çata bilərdi. Amma əzmkar litvalılar son saniyələrdə məğlubiyyətdən qurtulmağı bacardılar.

G qrupu
Serbiya - Macarıstan 1:2 (1:2)
Serbiya: V.Milinkoviç-Saviç, Radonyiç (Jivkoviç, 46), Velkoviç, Qudel, Pavloviç, Kostiç (Mladenoviç, 46), S.Milinkoviç-Saviç, Maksimoviç (Milenkoviç, 64), Tadiç (İliç, 87), Vlahoviç (Yoviç, 87), Mitroviç.
Macarıstan: Dibuş, Neqo, Lanq, Orban, Salai, Kerkes (Fiola, 70), Nad (Kata, 77), Stayls, Şallai (Çobot, 90+4), Soboslai, Varqa (Adam, 77).
Qollar: Salai, 10-öz qapısına (1:0). Varqa, 34 (1:1). Orban, 36 (1:2).
Vərəqələr: Varqa, 67. Salai, 89 – sarı.
Hakim: Xuan Martines (İspaniya).
7 sentyabr. Belqrad. 6924 tamaşaçı.
Litva – Monteneqro 2:2 (0:0)
Litva: Gertmonas, Lasiçkas, Lekiatas, Girdvaynis, Beneta (Şirvus, 46), Gineitis, Verbiçkas (Klimaviçyus, 90+2), Novikovas (Kazlauskas, 81), Qolubiçkas (Slivka, 81), Yankauskas (Çernıx, 68), Paulauskas.
Monteneqro: Miyatoviç, Maruşiç, Saviç, Tomaşeviç, Radunoviç, Yovoviç (Curceviç, 72), Yankoviç (Cukanoviç, 77), Şekiç (Lonçar, 53), Saviçeviç (Çamay, 46), Krstoviç, Muqoşa (Yovetiç, 46).
Qollar: Paulaskas, 71 (1:0). Krstoviç, 78 (1:1). Saviç, 89 (1:2). Çernıx, 90+4 (2:2).
Vərəqələr: Girdvaynis, 29. Curceviç, 84 – sarı.
Hakim: Məhəmməd Əl-Hakim (İsveç).
7 sentyabr. Kaunas. 11328 tamaşaçı.
1. Macarıstan 4 3 1 0 7-1 10
2. Serbiya 4 2 1 1 6-3 7
3. Monteneqro 4 1 2 1 3-4 5
4. Litva 4 0 2 2 3-7 2
5. Bolqarıstan 4 0 2 2 2-6 2
10 sentyabr: Litva – Serbiya, Monteneqro – Macarıstan.