Serbiya rəsmi oyunlarda heç cür Macarıstanla bacara bilmir.

“Football-plus.az” xəbər verir ki, ötən ay Belqradda olduğu kimi, macarlar yenə 2:1 hesabıyla qalib gəldilər. Özü də bu dəfə də bütün qollar ilk yarıya təsadüf etdi. Varqanın qolundan sonra Pavloviç hesabı bərabərləşdirsə də, bundan cəmi bir neçə saniyə sonra təcrübəli Şallai meydan sahiblərinin qələbə qolunu vurdu. Serbiya bu rəqibə qarşı 4-cü rəsmi oyunda 3-cü dəfə məğlub oldu. Serblər macarlar üzərində yeganə qələbəni ötən ilin martında Budapeştdə keçirilən yoldaşlıq oyununda əldə edib (1:0). Məğlubiyyətə baxmayaraq, Draqan Stoykoviçin komandasının AÇ-yə qatılmaq yolunda taleyi öz əlindədi. Macarlar isə kağız üzərində vəsiqəni rəsmiləşdirməsələr də, onları AÇ-dən yalnız möcüzə ayıra bilər. Bolqarıstan bu seçmə mərhələni olduqca zəif keçirməkdə davam edir. Çox çətin bir dönəmdən keçən və praktiki cəhətdən bir dünya səviyyəli futbolçusu olmayan bolqarlar evdə Litvaya uduzdular. Halbuki Litvanın son 15 oyunda qələbəsi yox idi! Özü də qonaqların heyətində hər iki qolu sağ cinah müdafiəçi Şirvis vurdu. Ədalət naminə meydan sahiblərinin uzun müddət azlıqda oynadığını da vuğulayaq.

G qrupu, 7-ci tur
Macarıstan – Serbiya 2:1 (2:1)
Macarıstan: Dibus, Neqo (Bolla, 62), Fiola (Botka, 74), Lanq, Salai, Kerkej, Nad, Staylz (Kalmar, 62), Şallai (Kata, 74), Soboslai, Varqa (Adam, 84).
Serbiya: V.Milinkoviç-Saviç, Jivkoviç (Radonyiç, 75), Yerakoviç (Tadiç, 46), Milenkoviç, Pavloviç, Terziç (Kostiç, 46), Qudel, S.Milinkoviç-Saviç, Lukiç (Ratkov, 84), Qaçinoviç (Curiçiç, 67), A.Mitroviç.
Qollar: Varqa, 21 (1:0). Pavloviç, 33 (1:1). Şallai, 34 (2:1).
Vərəqələr: Milenkoviç, 77. Varqa, 78. Botka, 90+3 – sarı.
Hakim: Fransua Letesye (Fransa).
14 oktyabr. Budapeşt. 58215 tamaşaçı.

Bolqarıstan – Litva 0:2 (0:1)
Bolqarıstan: Dyulgerov, Popov, Dimitrov, Antov (Petrov, 46), Qruyev, M.Petkov (Turitsov, 85), Krayev, L.Petkov (Çoçev, 46), Delev (İvanov, 79), Despodov, Borukov (Rusev, 46).
Litva: Zubas, Lasiçkas, Lekiatas, Klimaviçyus, Şirvis (Beneta, 85), Utkus, Vorobyovas, Slivka (Yankauskas, 78), Gineitis (Remeikis, 69), Çernıx (Novikovas, 70), Paulauskas.
Qollar: Şirvis, 45 (0:1). Şirvis, 55 (0:2).
Vərəqələr: Antov, 8. Gineitis, 20. Krayev, 21. L.Petkov, 60. Qruyev, 68. Despodov, 72 – sarı. Krayev, 42 – qırmızı (ikinci sarı).
Hakim: Georgi Kruaşvili (Gürcüstan).
14 oktyabr. Sofiya. 6916 tamaşaçı.
1. Macarıstan 5 4 1 0 9-2 13
2. Serbiya 6 3 1 2 10-6 10
3. Monteneqro 5 2 2 1 5-5 8
4. Litva 6 1 2 3 6-10 5
5. Bolqarıstan 6 0 2 4 4-10 2
17 oktyabr: Litva – Macarıstan, Serbiya – Monteneqro.