Serxi Robertonun məsələsinə aydınlıq gəlib.

"Football-plus.az" xəbər verir ki, o, “Barselona”nı cari mövsümün sonunda tərk edəcək.

İspaniya mənbələrinin məlumatına görə, müdafiəçi müddəti 2024-cü ilin iyununda başa çatacaq müqaviləsinin yenilənməyəcəyi ilə razılaşıb. Rəhbərlik komandada gəncləşdirmə siyasəti aparır. Bu səbəbdən ötən mövsüm Xerard Pike, Xordi Alba və Serxio Buskets klubdan ayrılıblar. Onlardan sonra Roberto da komandada qalmayacaq. Yerli mənbələr ona yeni müqavilə təklifi edilməməsinə Joao Kanselonun mövsümün ilk aylarında yaxşı oyun göstərməsinin səbəb olduğunu vurğulayır. Portuqaliyalı futbolçu cari mövsümdə bütün turnirlərdə 8 oyuna çıxıb, 2 qol vurub və 1 məhsuldar ötürmə edib.

Serxi “Barselona”da keçirdiyi 10 mövsümdə 25 titul qazanıb. “Mudo Deportivo” qəzeti ispaniyalı futbolçunun karyerasını MLS-də davam etdirəcəyini yazıb. Robertonun iki klubdan birində - “Nyu York Red Bullz”da və ya “Nyu York Siti”də qərar tutacağı da məlumdu.