UEFA AÇ-2024-ün seçmə mərhələsinin 8-ci turunun oyunlarından sonra statistik göstəriciləri açıqlayıb.

"Football-plus.az" Avropa futbol qurumunun rəsmi saytına istinadən xəbər verir ki, yığmamız indiyədək ən çox qurtarış edən komandaların siyahısında yer alıb.

Yığmanın qapıçıları 6 görüşdə 27 seyvlə bu göstəricidə 8-cidi.

Millimiz qarşılaşmalar ərzində rəqibdən top "oğurlamaq"da (207 dəfə) sonuncu pillələrdədi. Komanda 52 ölkə arasında 47-cidi. Yığma qapıya zərbələrdə (45) də eyni mövqedə qərarlaşıb.

Canni De Byazinin baş məşqçisi olduğu kollektiv ötürmə dəqiqliyinə (79,7 faiz) görə yalnız 31-ci ola bilib. Təmsilçimiz vurulan qol sayında da bir çoxlarından geridədi. 6 görüşdə rəqib qapılarına 4 dəfə yol tapan milli 44-cü sıradadı.