Macarıstanda yerli “Puşkaş Akademiya” və "Qəbələ" arasında keçiriləcək Gənclər Liqasının I mərhələsinin cavab oyunu üçün təyinatlar bəlli olub.

"Football-plus.az" xəbər verir ki, qarşılaşma Norveçdən olan hakimlər briqadasına tapşırılıb.

FIFA referisi Məhəmməd Usman Aslama Tom Harald Qronevik və Yorgen Ronninq Valstadsve laynsman qismində yardımçı olacaqlar. Dördüncü hakim funksiyasını macarıstanlı Marton Rusz yerinə yetirəcək.

Qeyd edək ki, “Puşkaş Akademiya” - "Qəbələ" görüşü oktyabrın 25-də, saat 18:00-da keçiriləcək. Tərəflər arasında Qəbələ şəhər stadionunda gerçəkləşən ilk oyun 1:1 hesabı ilə başa çatıb.