"Bu qarşılaşmalar sanki bir-birini təkrarladı. Sadəcə, bəxtimiz gətirmədi. İdmanda bəxt amili çox vacibdir. Hər iki oyunda bəxt onların tərəfində oldu. Zalda da onlar üçün yaxşı atmosfer yaradılmışdı. Hakimlər də öz “sözlərini” dedilər. Əsas da Bakıdakı matçı qeyd edərdim. Hesab 1:2 olanda fitlə görüşü saxladılar, ancaq rəqibin topu "oğurlayıb" qol vurmasına göz yumdular. Bunun müqabilində rəqibdən "feyr-pley" nümunəsi gözləyirdik, təəssüf ki, etmədilər".

"Bakıda Rumıniyanı, səfərdə isə Niderlandı mütləq məğlub etməliyik ki, seçmə mərhələni ikinci pillədə başa vuraq. Düzdür, itkimiz olacaq. Edu bu dəfə cəzalı duruma düşdü, Rumıniyaya qarşı oyunu buraxacaq. Əvəzində Felipinyo komandanın yanında olacaq. Final mərhələsinə birbaşa vəsiqə qazanmaq istəyirdik. Amma qeyd etdiyim səbəblər buna imkan vermədi”.