G qrupu
Leyptsiq - Mançester Siti 1:3 (0:1)
Leyptsiq (Almaniya): Blasvix, Simakan, Klostermann, Lukeba, Raum, Zayvald (Haydara, 85), Şlaqer, Forsberq (Verner, 70), Poulsen (Baumqartner, 75), Simons, Openda (Şeşko, 70).
Mançester Siti (İngiltərə): Ederson, Uoker, Diaş, Qvardiol, Akanci (Ake, 72), Rodri, Luis, Qriliş (Dokyu, 72), Silva (Nunyeş, 87), Foden (Alvares, 79), Holann.
Qollar: Foden, 25 (0:1). Openda, 48 (1:1). Alvares, 84 (1:2). Dokyu, 90+2 (1:3).
Vərəqələr: Akanci, 65. Şlaqer, 71. Raum, 78 - sarı.
Hakim: Artur Diaş (Portuqaliya).
4 oktyabr. Leyptsiq. 45228 tamaşaçı.

oyunun statistikası
3 (1) qapıya (“çərçivə”yə) zərbə 18 (6)
2 künc zərbəsi 3
3 ofsayd 1
12 qayda pozuntusu 6
2 (0) sarı (qırmızı) vərəqə 1 (0)
31 topa sahibolma (faizlə) 69

“Mançester Siti” bu il Leyptsiqə ikinci dəfə səfər etdi.

"Football-plus.az" xəbər verir ki, turnirin son qalibi fevralın 22-də eyniadlı rəqibi ilə səfər oyununda 1:1 hesablı heç-heçəyə razılaşmışdı. Maraqlıdı ki, ev sahiblərini məğlubiyyətdən xilas edən müdafiəçi Qvardiol bu dəfə “Red Bull Arena”da İngiltərə çempionunun heyətində meydana çıxdı. “Leyptsiq” oktyabrın 4-nə qədər MS-yə öz meydanında uduzmamışdı. Uğurlu seriya çərşənbə günü qırıldı.

Xosep Qvardiolanın komandası ilk dəqiqələrdən diqtə edən tərəf idi. Topa böyük ölçüdə nəzarət edən İngiltərə çempionu hissənin ortalarında Fodenlə hesabı açdı. “Leyptsiq” ikinci hissəyə fəal başladı. Marko Rozenin komandası istəyinə 48-ci dəqiqədə Opendanın qolu ilə çatdı. Amma “buğalar” qənaətbəxş hesabı qoruya bilmədilər. Nəticəyə isə böyük ölçüdə Qvardiolanın əvəzləmələri təsir etdi. İspaniyalı mütəxəssisin mübarizəyə qoşduğu Dokyu ilə Alvares “şəhərlilər”in qələbəsini təmin etdilər. Əvvəlcə Alvares oyundaşının ötürməsi ilə qonaqları yenidən hesabda önə keçirdi. Son dəqiqələrdə argentinalı hücumçu belçikalıya məhsuldar ötürmə verməklə “Siti”nin qələbəsinə şübhə yeri qoymadı. Beləliklə, Qvardiolanın komandası 2-ci turda qrupda vahid liderliyə nail oldu.

Srvena Zvezda - Yanq Boyz 2:2 (1:0)
Srvena Zvezda (Belqrad, Serbiya): Qlazer, Miyailoviç, Ciqa, Draqoviç, Mitroviç (Katay, 70), Rodiç (Olayinka, 62), Hvan İn Bom, Stameniç (Luçiç, 70), İvaniç, Bukari, Ndiay (Krasso, 80).
Yanq Boyz (Bern, İsveçrə): Raçoppi, Yanko, Kamara, Benito (Amenda, 47), U.Qarsiya, Uqriniç, Nyass, Males (Çayva, 74), Monteyro, İtten (Qanvula, 74), Elia.
Qollar: Ndiay, 35 (1:0). Uqriniç, 48 (1:1). İtten, 61-p. (1:2). Bukari, 88 (2:2).
Vərəqələr: Ndiay, 18. İvaniç, 45+5. Hvan İn Bom, 58. Males, 64. Bukari, 65. Miyailoviç, 73. Draqoviç, 74. Kamara, 74. Nyass, 90+2 - sarı.
Hakim: Uilyam Kollam (Şotlandiya).
4 oktyabr. Belqrad. 47201 tamaşaçı.

oyunun statistikası
18 (8) qapıya (“çərçivə”yə) zərbə 17 (6)
11 künc zərbəsi 5
5 ofsayd 0
12 qayda pozuntusu 13
6 (0) sarı (qırmızı) vərəqə 3 (0)
47 topa sahibolma (faizlə) 53

Qrup mərhələsinə MS-yə qarşı səfər oyunu ilə başlayan “Srvena Zvezda” 1:3 hesabıyla uduzsa da, ümumilikdə yaxşı komanda təsiri bağışlamışdı. “Yanq Boyz” ilə “Rayko Mitiç” stadionundakı matç qarşılıqlı hücumlar şəraitində keçdi. Komandalar qapı istiqamətində kifayət qədər zərbə endirdilər. Qapılara ümumilikdə 4 qolun vurulması da məntiqi oldu. Serbiyanın son çempionu fasilə ərəfəsində hesabı açsa da, ikinci hissədə qapısında ardıcıl iki top gördü. İsveçrəlilər təhlükəli epizodlardan normal şəkildə yararlansaydılar, evə qələbə ilə dönə bilərdilər. Lakin belqradlılar matçın həlledici bölümündə təşəbbüsü ələ alaraq məğlubiyyətdən qaçmağı bacardılar. Beləliklə, qrupdan pley-offa çıxmaq şansı aşağı dəyərləndirilən komandalar hesabına ilk xalı yazdı. Heç-heçə istənilən halda daha çox səfərdə xal qazanan İsveçrənin son çempionunun işinə yaradı. Kim bilir, bəlkə də bu xal “Yanq Boyz”a qrupda 3-cü yeri tutaraq mübarizəni Avropa Liqasında davam etdirmək imkanı verəcək...

1. Mançester Siti 2 2 0 0 6-2 6
2. Leyptsiq 2 1 0 1 4-4 3
3. Yanq Boyz 2 0 1 1 3-5 1
4. Srvena Zvezda 2 0 1 1 3-5 1
25 oktyabr: Yanq Boyz - Mançester Siti, Leyptsiq - Srvena Zvezda.

Faktlar
* MS-nin ÇL-də məğlubiyyətsiz seriyası 14 oyuna çatdı. İngiltərə çempionu bu turnirdə sonuncu dəfə 2022-ci mayın 4-də “Real”a uduzub.
* Qvardiola ÇL-də müxtəlif komandalarla ümumilikdə 103-cü qələbəsini qazandı. O, qələbə sayına görə Aleks Ferqyusonu (190 oyuna 102 qələbə) arxada qoydu. Qvardiola indiyədək “Barselona”, “Bavariya” və MS-ni bu turnirdə ümumilikdə 161 matça çıxarıb. Bu planda lider Karlo Ançelottidi. “Real”ın çalışdırıcısı ÇL-də 109 qələbəyə (193 oyun) sevinib. Arsen Venger 82 (178 oyun), Joze Mourinyo isə 77 (145 oyun) dəfə qalib gəlib.