“Bu iddialar uydurmadan başqa bir şey deyil. Biz öz şəhərimizdə oynayacağıq, başqa stadion lazım deyil. Düzdü, Naxçıvan şəhər stadionu 56 ildən çoxdu fəaliyyət göstərir. Yaxşı vəziyyətdə olmadığını bilirik. Son dəfə 1987-ci ildə əsaslı təmir olunub. 2000-15-ci illər aralığında isə iki dəfə kiçik yenidənqurma işləri görülüb.

“Araz Naxçıvan” olaraq artıq bir çox dəyişikliklərə start vermişik. Əsas məsələ qazondu. Tam dəqiq olmasa da, stadion böyük ehtimalla ən müasir standartlara cavab verən süni örtüklə təchiz olunacaq. Qarşıya qoyulan məqsədlərə çatmaq üçün yeni planlarımız da var. Çox dəyişiklik olacaq. Həm azarkeşlərə, həm də qonaq komandaların üzvlərinə layiqli xidmət göstərmək üçün çalışırıq. İşlər yekunlaşandan sonra ictimaiyyətə daha ətraflı məlumat veriləcək”.