"Öncəliklə onu vurğulayım ki, "QOLAT Sport Services" rəsmi qeydiyyatı olan hüquqi şəxsdi. Futbol və başqa idman yarışlarını keçirən özəl bir şirkətdi. Hədəf təşkil etdiyimiz idman yarışları ilə üzvlərimizin iş stressini azaltmaq, yeni əməkdaşlıqlar, yeni dostluqlar və ən əsası daha sağlam həyat tərzi yaşamaqdı. "Atalar və oğullar" layihəsi çərçivəsində turnir keçirmək istəyirdik. Lakin sonradan bu qərarı dəyişdik. Ölkəmizdə qızların da futbolu sevdiyini nəzərə alıb layihəni “Atalar və övladlar” şəklində yenidən planladıq. Beləliklə, futbol yarışmasında həm oğlan, həm də qız övladlar iştirak edə biləcək. Bu layihəni keçirtməkdə məqsədimiz ataların övladları ilə əyləncə dolu anlar keçirməsini təmin etmək, həmçinin ölkəmizdə futbolun populyarlaşdırılması idi. Şüarımız da belədi: "Oyun uşaq dilidi. Uşaqlar bu yolla dünyanı kəşf edirlər".