PSJ “Fonbet” ilə əməkdaşlığı dayandırdı

19.03.2022 16:50 569
Dünya futbolu
PSJ Rusiyanın “Fonbet” şirkəti ilə əməkdaşlığı dayandırıb.

Bu haqda “France Bleu” nəşri məlumat yayıb.

Qeyd edək ki, “Fonbet” və PSJ 2019-cu ildən əməkdaşlıq edir. Tərəflər arasında bağlanan müqavilənin müddəti 2023-cü ilə qədər nəzərdə tutulub. Paris klubunun rəhbərliyi bukmeker kontoru ilə müqavilənin icrasını mövsümün sonuna qədər dayandırmaq qərarına gəlib. Ancaq PSJ-nin Moskvadakı futbol akademiyası fəaliyyətini davam etdirəcək. Bu mövsüm akademiyada 3 yaşdan 17 yaşa qədər 500 uşaq təhsil alır. Fransa klubundan verilən açıqlamada belə deyilir:

“Biz Rusiyada akademiyanın işini dayandırmaq üçün heç bir səbəb görmədik. Biz ordakı övladlar naminə işimizi davam etdiririk”.