Misli premyer-liqasının 9-cu turu bu gün keçirilən oyunlarla başa çatəb. Bununla həm də 1-ci dövrəyə yekun vurulub.

"Football-plus.az" xəbər verir ki, oyunlar “CBC Sport” canlı yayınlayıb.

Misli premyer-liqası
1-ci dövrə, 9-cu tur
8 oktyabr
Sumqayıt – Kəpəz 1:0
Roi Kehat, 62
“Sumqayıt”ın bu rəqiblə ev oyunlarının balansı: 12:+7=3-2, 22:13.
2011/12 – 4:1, 2:0; 2012/13 – 2:1, 1:0; 2015/16 – 2:2, 2:3; 2016/17 – 1:1, 3:1; 2017/18 – 2:1, 2:1; 2022/23 – 0:0, 1:2.
Cəzalı: yoxdu.
“Futbol+”in proqnozu: 40-30-30.
Hakimlər: EMİN ƏLİYEV, Elşad Abdullayev, Pərvin Talıbov, Fərid Hacıyev.
Hakim-inspektor: Orxan Məmmədov.
AFFA nümayəndəsi: Rüfət Əmirov.
Sumqayıt. “Kapital Bank Arena”. Saat 16.30.

Heç birinin durumu ürəkaçan deyil. Düzdü, “Sumqayıt” hazırda 8 xalla 7-ci pillədə qərarlaşıb. Samir Abasov da bilir ki, bu vəziyyət belə davam etməyəcək. Komandası özünə gəlməlidi. Bunun üçün də “Kəpəz” üzərində mütləq qələbə qazanılmalıdı. Gəncə təmsilçisində də vəziyyət ürəkaçan deyil. Azarkeşlər həm baş məşqçini, həm də rəhbərliyi istefaya səsləyir. Düzdü, dünən prezident İlham Əliyev stadionun bərpası üçün 1 milyon manat vəsait ayırdı. Ən azı bu məqam komandanı həvəsləndirmədi. Lakin yenə də bu oyunun favoriti “Sumqayıt”dı.Ümumiyyətlə, komandalar indiyə kimi 24 dəfə üz-üzə gəlib. Bu görüşlərin 10-da “kimyaçılar”, 6-da “sarı-göylər” qələbə qazanıb, 8-də heç-heçə qeydə alınıb. Topların nisbətində də “gənclik şəhəri” təmsilçisi öndədi – 31:24.

Neftçi – Qarabağ 0:2
Olavio Juninyo, 46, Redon Cica, 88
“Neftçi”nin bu rəqiblə ev oyunlarının balansı: 45:+12=16-27, 43:56.
1992/93 – 1:1; 1993/94 – 1:1; 1994/95 – 3:2; 1995/96 – 2:2, 2:2; 1996/97 – 0:0; 1997/98 – 1:1; 1998/99 – 0:0, 0:0; 1999/20 – 2:0; 2000/01 - *; 2001/02 – 1:0; 2003/04 – 2:0; 2004/05 – 1:0; 2005/06 – 2:0; 2006/07 – 0:0; 2007/08 – 0:0; 2008/09 – 0:1; 2009/10 – 0:0, 0:0; 2010/11 – 1:1, 2:0; 2011/12 – 3:2, 2:1; 2012/13 – 0:1, 1:2; 2013/14 – 0:0, 1:4; 2014/15 – 1:3, 0:1; 2015/16 – 1:0, 1:2; 2016/17 – 0:2, 1:2; 2017/18 – 1:3, 0:0; 2018/19 – 3:1, 2:3; 2019/20 – 0:0; 2020/21 – 0:6, 1:0; 2021/22 – 1:2, 1:2; 2022/23 – 0:4, 2:4.
Cəzalı: Kevin Medina (Qarabağ).
“Futbol+”in proqnozu: 30-40-30.
Hakimlər: RƏŞAD ƏHMƏDOV, Rahil Ramazanov, Vüsal Məmmədov, Rauf Allahverdiyev.
Hakim-inspektor: Babək Quliyev.
AFFA nümayəndəsi: Elçin Məmmədov.
Bakı. “Neftçi Arena”. Saat 19.30.

Ölkənin ən köklü iki komandasının mübarizəsi həmişə maraqla izlənilib. Bu görüş də yeni mərhələnin başlanğıcı ola bilər. “Neftçi” tam yenilənmiş tərkibdə “Qarabağ”ın qarşısına çıxır. Komanda Adrian Mutunun rəhbərliyi altında ilk dəfə “köhlən atlar”a qarşı oynayacaq. Flaqman çempionluq mübarizəsində geri qalmamaq üçün bu görüşdə qələbə qazanmağı arzulayır. Lakin bu, o qədər də asan olmayacaq. “Köhlən atlar” həm çempionatda, həm də avrokuboklarda “at oynadır”. Qurban Qurbanovun komandası da dövrənin son matçında qələbə qazanmaq istəyəcək. Bu məqamları nəzərə alanda görüşün heç-heçə bitəcəyini söyləyə bilərik.

Ümumiyyətlə, bu kollektivlər indiyə kimi 91 dəfə üz-üzə gəlib. Bu görüşlərin 23-də “Neftçi”, 37-də “Qarabağ” qələbə qazanıb. 31 qarşılaşma isə heç-heçə başa çatıb. Topların nisbətində ağdamlılar öndədi – 116:83.

7 oktyabr
Qəbələ - Səbail 0:1
Rüfət Abdullazadə, 90+5.
“Qəbələ”nin bu rəqiblə ev oyunlarının balansı: 11:+8=3-0, 27:8.
2017/18 – 3:1, 1:1; 2018/19 – 3:0, 2:1; 2019/20 – 3:0; 2020/21 – 1:1, 1:1; 2021/22 – 5:0, 2:0; 2022/23 – 2:1, 4:2.
Cəzalı: Pedro Nuno (Səbail).
“Futbol+”in proqnozu: 40-30-30.
Hakimlər: RƏVAN HƏMZƏZADƏ, Cəmil Quliyev, Teymur Teymurov, Kamranbəy Rəhimov.
Hakim-inspektor: Anar Salmanov.
AFFA nümayəndəsi: Aslan Şahgəldiyev.
Qəbələ. Şəhər stadionu. Saat 16.00.

Həftənin maraqla gözlənilən oyunlarından biri bölgədə keçiriləcək. Qəbələdə yerli komanda “Səbail”lə qarşılaşacaq. Oyunun favoriti “qırmızı-qaralar”dı. Düzdü, “Səbail” bu mövsüm özünü yaxşı tərəfdən göstərir. Lakin unutmayaq ki, “radarlar” indiyə kimi doğma meydanda “dənizçilər”ə uduzmayıb.

Ümumiyyətlə, bu komandalar Azərbaycan çempionatlarında 23 dəfə üz-üzə gəlib. Bu görüşlərin 12-də qələbəlilər, 5-də bakılılar qələbə qazanıb, 6-da isə heç-heçə qeydə alınıb. Topların nisbətində isə “Qəbələ” öndədi – 43:25.

Sabah – Araz-Naxçıvan 1:1
A.Nuriyev, 82 - İ.Belfodil, 76-ö.q
“Sabah”ın bu rəqiblə ev oyunlarının balansı: indiyə kimi qarşılaşmayıblar.
Cəzalılar: Boyan Letiç (Sabah), İqor Ribeyro (Araz-Naxçıvan).
“Futbol+”in proqnozu: 40-30-30.
Hakimlər: RAUF CABBAROV, Cavanşir Yusifov, Müslüm Əliyev, Vüqar Həsənli.
Hakim-inspektor: Asim Xudiyev.
AFFA nümayəndəsi: Seymur Səlimli.
Bakı. “Bank Respublika Arena”. Saat 18.00.

“Sabah” bu görüşdə xal itirsə, rəhbərlik, çox güman, Murad Musayevi istefaya göndərəcək. Çünki nəticələr ürəkaçan deyil. Bu səbəbdən də rusiyalı mütəxəssis komandasının qələbə qazanması üçün əlindən gələni edəcək. Bu məqama görə də qarşılaşmanın favoriti “bayquşlar”dı. Lakin “Araz-Naxçıvan”ın da gücünü önəmsəməmək olmaz. Muxtar Respublika təmsilçisi bu rəqiblə görüşdə də qələbə qazanmaq potensialına malikdi.

1. Zirə 9 6 1 2 9-5 19
2. Qarabağ 9 6 1 2 18-6 19
3. Səbail 9 5 2 2 15-11 17
4. Araz-Naxçıvan 9 4 2 3 9-9 13
5. Neftçi 9 3 3 3 7-7 12
6. Turan Tovuz 9 3 2 4 12-11 11
7. Sumqayıt 8 3 2 3 8-10 11
8. Qəbələ 9 2 1 6 6-16 7
9. Sabah 8 1 4 3 11-12 7
10. Kəpəz 9 1 2 6 5-13 5

Bombardirlər: Olavio Juninyo (Qarabağ) – 6, Aleksandr Ramalinqom (Səbail) – 4.