Redaksiyamıza maraqlı xəbər daxil olub. Belə ki, yayda Almaniya təmsilçisi “Bohum”dan ayrılan serbiyalı futbolçu Miloş Pantoviçə bu yay Azərbaycanın premyer-liqasınınn iddialı klublarının birindən təklif gəlib.

Lakin maliyyə məsələsində tam razılaşma alınmayıb və yarımmüdafiəçi Belçika “Eupen”i ilə ikiillik müqavilə bağlayıb. 27 yaşlı oyunçunun “Transfermakt” portalında dəyəri 1,5 milyon avrodu. “Bavariya”nın yetirməsi olan Pantoviç “Bohum”la yanaşı, Berlin “Yunion”unda da çıxış edib.

Karyerası ərzində “Ştuttqart”, “Hoffenhaym” kimi klubların şərəfini qoruyan bosniyalı müdafəçi Ermin Biçakçiç də bu yay Azərbaycanın güclü klublarından birinə keçməyə yaxın imiş. Hətta 33 yaşlı oyunçu ölkəmizdə oynamağa müsbət yanaşsa da, maliyyə şərtlətində anlaşma baç tutmayıb. Bosniya və Hersoqovina yığmasının da üzvü olan Biçakçiç hazırda klubsuzdu.

CAVİD ƏLİYEV