"Bəli, Ceyhun Nuriyev əvəzedici komandaya göndərilib. Amma bu, futbolçunu formasının zəif olması və ya intizamsızlığı ilə bağlı deyil. O da müqaviləsi olmasına rəğmən, klubdan getmək istədiyini bildirib. Biz də təbii ki, ona müqaviləsinin olduğunu bildirmişik. Belədə futbolçu etirazçı mövqeyinə keçib. "Sabah" ailəsində oturuşmuş, sabit qayda var: "özünü klubun bir parçası hesab etməyənlər əsas komandada yer ala bilməz". Bu bütün futbolçulara aiddi. Belə olmasını istəməzdik, amma Ceyhunun hərəkətinə görə tədbir görməliydik. O, öz seçimini etdi. Təbii ki, Ceyhunun mövqeyində güclü rəqabətin olduğunu da nəzərə alırıq. Futbolçu da oynamaq istəyir, bunlar anlaşılandı. Amma rəqabət varsa, inkişaf da müşahidə olunur. Kim üzərində çox işləyirsə, o da şans qazanacaq. Unutmayaq ki, Ceyhun məhz "Sabah"da parladı və yığmaya da cəlb olundu. Deməli, bizdə hər oyunçu inkişaf edə bilər. Qalır üzərində işləmək və şansını gözləmək".