Misli premyer-liqasında 7-ci tura yekun vurulub.

"Football-plus.az" xəbər verir ki, "Qəbələ" "Qarabağ"a uduzub - 1:2. Matçdan sonra ağdamlıların çalışdırıcısı Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:

- Kevin Medianının epizodunu necə dəyərləndirirsiz?
- Deyiləsi çox fikir yoxdu. Mənim gördüyüm odu ki, birinci rəqib tərəfdən zərbə gəldi. Kevin də özünü saxlaya bilməyib cavab zərbəsi vurdu.

- İlk dəfədi qırmızı vərəqə alırsınız...
- Yox, ikincidi. "İnter"lə oyunda qırmızı vərəqə görmüşdüm. Onda da oyunçumuzu vurmuşdular.

- İlk sarı vərəqəni nəyə görə gördünüz?
- Kənardan mənim oyunçuma müdaxilə oldu. Müdaxilə edən şəxsə qarşı emosiyalarımı saxlaya bilmədim.

- Oyundan sonra hakimlə nə danışırdınız?
- Hakimlə söhbətimiz pis getmədi. Düzdür, emosiyalarımı saxlaya bilmədim. Dördüncü hakim yaxşı uşaqdı. Özü də narahat idi ki, ikinci sarı verdirdi. Bəzən dördüncü hakimlər oyuna çox müdaxilə edirlər.

- Andrey Lunyovun performansını necə dəyərləndirirsiz?
- Bu gün çox yaxşı oyun göstərdi. İnanıram ki, bundan da yaxşı olmalıdı. Çempinoat gərgin gedir, bəzən düşünmədiyiniz hallar yaşanır. Düşünməzdik ki, 10 nəfərdə qalarıq. Belə hallara hazır olmalıyıq.

- İlk 10 dəqiqədə iki qol vurduz. Amma bundan sonra komandanın oyunu dəyişdi. Arxayınlıq ola bilər?
- Ola bilər. Amma inanmıram ki, ciddi arxayınlıq olsun. Kənardan biz də müdaxilə edirdik. Rəqib itiriləcək bir şeyi olmayanda riskə gedir. Bu riskə hazır olmaq lazımdı.

- Kevin Medinanı intizamsızlığı ilə bağlı gözləyir?
- Hamısı bu cür davranışlara görə cəzalarını alırlar. Futbolçuları da başa düşmək lazımdı. Onların da xarakteri var. Amma bu cür qırmızı vərəqəyə görə cəzalarını alırlar.

- Nəriman Axundzadəyə bundan sonra da güvənəcəksiz?
- Az oynamayıb. Bundan sonra da ona güvənəcəyik. Öz üzərində çox işləməldi. Potensialı böyükdü. Amma futbol haqda daha çox düşünməldi.

- Nərimanın U-21 millisinə dəvət olunmaması ilə bağlı mediada belə iddialar var ki, futbolçu "Qalatasarya"la matç zamanı milliyə getmək istəməyib. Bundan sonra da baş məşqçi Samir Əliyev ona dəvət göndərmir. Bu haqda sizin fikirləriniz necədi?
- Deyə bilmərəm niyə çağırılmır. Səhv etmirəmsə, "Qalatasaray"la oyundan əvvəl futbolçularımınızın az olması ilə bağlı Samir Əliyevlə danışığımız olmuşdu. Bizə belə fikirlər çatıb ki, məsuliyyətsizliyi var. Amma dəqiq bilmirəm.