UEFA Çempionlar Liqası, Avropa Liqası və Konfrans Liqasında qrup mərhələsinin 1-ci turunun oyunlarından sonra ölkələrin əmsallar cədvəlini açıqlayıb.

"Football-plus.az" xəbər verir ki, sentyabrın 21-də Bakıda “Molde”yə 1:0 hesabıyla qalib gələn “Qarabağ” Azərbaycanın hesabına 0,500 əmsal əlavə edib. Amma ölkəmizin mövqeyində hər hansı dəyişiklik baş verməyib: 17,375 əmsalla yenə 29-cu pillədəyik.

Bir pillə öndə olan Slovakiya ilə fərqi azaltmaq mümkün olmayıb. Bu ölkənin təmsilçisi “Slovan”ın evdə “KI Klaksvik”i üstələməsi (2:1) buna imkan verməyib.

30-cu yerdəki Moldova (12,875 əmsal) ilə fərq isə artıb. Buna “Şerif”in doğma azarkeşləri önündə İtaliya təmsilçisi “Roma”ya uduzması (1:2) səbəb olub.

Xatırladaq ki, siyahıya İngiltərə (90,303 əmsal) başçılıq edir. İspaniya (78,864 əmsal) ikinci, İtaliya (73,141 əmsal) üçüncüdü.

İLKİN SULTANLI