"Xəmsə" fanklubu, adətən, "Kəpəz Ultra" azarkeşləriylə birgə stadionda əyləşir. Hər iki qrup Tərlan Əhmədovu istefaya səsləməyib. Bunu edən ayrı-ayrı azarkeşlər olub. Bəlkə də bunu təxribatçılar və ya kiminsə sifarişini yerinə yetirənlər edib. Dəqiq deyə bilmərəm. Biz hazırda baş məşqçinin istefaya göndərilməsində maraqlı deyilik. Tərlan Əhmədov gəlişiylə "Kəpəz"ə yeni nəfəs verib, komanda daha yaradıcı oynayır, qələbələr də qazanıb. Amma ümumilikdə baş məşqçinin işindən nə məmnunuq, nə də narazı. Hər şeyi qış fasiləsində komandaya cəlb olunacaq yeni futbolçular və "Kəpəz"in çempionatın ikinci yarısındakı çıxışı göstərəcək. Hələlik komandamıza dəstək olub, gözləyirik".

"Bizə görə Rauf Əliyev yaxşı futbolçudu. Onun əsas komandaya qaytarılması və ya yola salınması rəhbərliyə aid məsələdi. Amma azarkeş olaraq bunu xüsusi vurğulayım ki, "Kəpəz" adından üstün heç nə yoxdu. Yəni futbolçu, məşqçi olsun, onlar bu gün var, sabah yoxdu. Bizə qalan doğma, əziz klubumuzdu. Odu ki, gəncəli azarkeşlər üçün "Kəpəz"in yaşaması, çıxışı, uğurları, nəticələri önəmlidi, fərdlər yox".