Region Liqasında bütün iştirakçıların sayı bu tarixdə açıqlanacaq
Artıq Region Liqasında yeni mövsümünün startına sayılı günlər qalıb. Lakin neçə komandanın mübarizəyə qoşulacağı dəqiq bilinmir.
Football-plus.az xəbər verir ki, siyahıda hansı yeni komandaların olduğu da məlum deyil. Bu haqda məlumat almaq üçün AFFA-nın Uşaq və Gənclər üzrə Yarışların Təşkili Şöbəsinin müdiri, Region Liqasının İşçi Qrupunun üzvü Yusif Vəliyevlə əlaqə saxladıq:
"Bəli, yeni komandalar var. Lakin adları və sayları oktyabrın 18-də baş tutacaq püşkatma mərasimində açıqlanacaq. Əslində say dəqiqdi, lakin gözləyirik ki, komandalar son məktubu təqdim etsinlər. Bəziləri var ki, oyunçu limitini tamamlamalıdı. Ona görə dəqiq say deyə bilmirik. Sadəcə, onu deyə bilərik ki, bu il komanda sayında rekord göstərici olacaq".
Qeyd edək ki, AFFA-nın baş katibi Sərxan Hacıyev bir neçə gün öncə Region Liqasında 38 komandanın mübarizə aparacağını açıqlayıb.
ŞAİR ABDULLA
Digər xəbərlər
