Futbol tarixinə damğa vurmuş mütəxəssislərdən olan Xosep Qvardiola ilə bağlı yeni maraqlı fakt ortaya çıxıb.

“Football-plus.az” xəbər verir ki, ''Mançester Siti''nin bu yay həyata keçirdiyi transferlərin ardından kataloniyalı mütəxəssisin məşqçi karyerası ərzində yeni oyunçuların alınmasına xərclədiyi pul 2,04 milyard avroya çatdı! Yəni Qvardiolanın indiyə qədər çalışdırdığı klublar onun dönəmində transferlərə məhz bu qədər məbləğ xərcləyib. Bununla da Qvardiola bu göstəricidə futbol tarixində 2 milyard avro həddini aşan ilk məşqçi oldu. Maraq üçün bildirək ki, 16 il ərzində onun çalışdırdığı ''Barselona'', ''Bavariya'' və ''Mançester Siti'' ümumilikdə 78 oyunçu transfer edib. Orta hesabla onun kollektivləri hər futbolçuya görə 26,1 milyon avro ödəyib. Bu siyahıda 2-ci pillədə Joze Mourinyo qərarlaşıb. Hazırda ''Roma''nı çalışdıran ünlü portuqaliyalı mütəxəssis karyerasıboyu transferlərə 1,86 milyard avro xərcləyib. Siyahıda sonrakı pillələrdə Karlo Ançelotti (1,69 milyard avro), Massimiliano Alleqri (1,4) və Dieqo Simeone (1,21) qərarlaşıb.

ƏLİ