Avropanın əksər ölkələrində transfer dönəmi artıq bağlanıb.

Ortaya çox maraqlı rəqəmlər çıxıb. Koronavirusun izlərinin yavaş-yavaş silinməsindən sonra klublar bu yay transferlərə inanılmaz pullar xərcləməyə başladılar.

Avropanın ən güclü 5 çempionatı sayılan İngiltərə, İspaniya, İtaliya, Almaniya və Fransa bu yay transferlərə ümumilikdə 4,5 milyard avro pul xərcləyib! Bu astronomik məbləğin təxminən yarısı – 2,24 milyard avrosu təkcə ingilislərin payına düşür. Premyer-liqadan sonrakı pillələrdə A seriyası (749 milyon avro), Liqa-1 (558), La Liqa (506) və bundesliqa (484) qərarlaşıb.

Bu ölkələrdən yalnız Fransa və Almaniyada satışdan əldə olunan gəlir transferlərə xərclənən puldan daha çox olub. İngilisləri əminliklə bu transfer dönəminə damğa vuran ölkə adlandırmaq olar. Təkcə bir faktı vurğulayaq ki, yayda həyata keçirilən 10 ən bahalı transferdən 8-nə premyer-liqa klubları imza atıb! Başqa ölkə təmsilçilərindən bu siyahıya yalnız Tçuamenini 80 milyon avroya alan ''Real'' və De Liqti 67 milyon avroya heyətinə qatan ''Bavariya'' düşə bilib. İlin ən bahalı keçidini ''Ayaks''dan Antonini 95 milyon avroya transfer edən ''Mançester Yunayted'' rəsmiləşdirib.

ƏLİ