Almaniya tarixində ilk dəfə finalda oynayacaq
Srağagün basketbol üzrə dünya çempionatında finalçılar müəyyənləşdi.
"Football-plus.az" xəbər verir ki, gözlənilən ssenari reallaşmadı. İmkanları yüksək qiymətləndirilən ABŞ Almaniyaya, Kanada isə Serbiyaya uduzdu. Almaniya yığması tarixində ilk dəfə mundialın finalında oynayacaq. Komandanın əvvəlki ən yaxşı nəticəsi DÇ-2022-dəki 3-cü yerdi.
Bu arada Rusiya Basketbol Federasiyasının prezidenti Andrey Kirilenko Litva yığmasının DÇ-də ABŞ üzərindəki qələbəsini parlaq uğur adlandırıb:
“Düşünmürəm ki, 1/4 finala vəsiqə Litva yığması üçün möhtəşəm nəticədi. Ona görə ki, Litva yığması həmişə yaxşı basketbol göstərib. Təəssüf ki, yarımfinala çıxa bilmədilər (1/4 finalda Serbiyaya uduzdular – red.). Onlara daha yüksək nəticə göstərməkdə nə mane oldu? Heç nə. Bu idmandı, lotereyadı, həmin bir oyun Litva üçün uğursuz alındı”.
Xatırladaq ki, Litva yığması DÇ-nin 2-ci qrup mərhələsinin sonuncu oyununda ABŞ-a 110:104 hesabıyla qalib gəlmişdi.
yarımfinal
ABŞ - Almaniya 111:113 (31:33, 29:26, 24:35, 27:19)
Serbiya – Kanada 95:86 (23:15, 29:24, 23:24, 20:23)
5-8-ci yerlər uğrunda oyunlar
İtaliya – Latviya 82:87 (26:18, 16:28, 18:21, 22:20)
Litva – Sloveniya 100:84 (33:21, 20:22, 22:20, 25:21)
Digər xəbərlər
