Basketbol üzrə dünya çempionatında 1/4 final oyunları arxada qaldı.

"Football-plus.az" xəbər verir ki, srağagün keçirilən Litva – Serbiya, ABŞ – İtaliya oyunlarında, demək olar ki, heç bir mübarizə yaşanmadı. Bukmekerlərin favoriti müəyyənləşdirməyə çətinlik çəkdiyi Litva – Serbiya oyununun yalnız 1-ci çeyrəyində bərabər mübarizə getdi. Amma sonrakı çeyrəklərdə serblər aşkar üstün təsir bağışladı. İtaliya ABŞ ilə oyunun ilk yarısında yalnız 24 xal topladı, amma rəqibin iki dəfə artıq xal toplamasına imkan verdi. Canmarko Potsekkonun komandasının “kötəklənməsi” fasilədən sonra da davam etdi. Amerikalıların üçxallıq atışlarının 47 faizi dəqiq oldu. Dünən son iki yarımfinalçı da müəyyənləşdi. Almaniya Latviya ilə gərgin mübarizə şəraitində keçən oyundan qalib ayrıldı. Kanada da Sloveniyanın öhdəsindən gəldi. Yarımfinalda bu cütlər qarşılaşacaq: Almaniya – ABŞ, Serbiya – Kanada.

1/4 final
Litva – Serbiya 68:87 (25:24, 13:25, 17:24, 13:14)
ABŞ - İtaliya 100:63 (24:14, 22:10, 37:20, 17:19)
Almaniya – Latviya 81:79 (13:16, 23:18, 26:25, 19:20)
Kanada – Sloveniya 100:89 (26:24, 24:26, 30:21, 20:18)