"Favoritim Türkiyə millisidi. Onların heyətində güclü oyunçular var. Əsas da Melissa Varqası qeyd edərdim. Türkiyə Voleybol Federasiyası onu milliləşdirməklə çox ağıllı iş görüb. Əsas istəyim odu ki, maraqlı final olsun".

"İtaliyanın Türkiyəni udub finala çıxacağını düşünürdüm. İtaliyanların özünəməxsus oyunu var. Qəbul cəhətdən çox üstün idilər. Düşünürəm ki, onlar məşqçilərinə görə məğlub oldular. Builki Avropa Çempionatı xoşuma gəlmədi. Çünki qəbul və orta oyunçuların az oynaması görünürdü. Bir-iki kollektiv xoşuma gəldi. Bunlardan Niderland və Çexiyanı deyərdim. Digər komandalar isə çox sadə voleybol oynayırdılar. Bu da turnirin yüksək səviyyədə keçməyinə mane olurdu. Amma çox istəyərdim ki, Türkiyə yığması qalib gəlsin. Həm qardaş ölkədi, həm də bura kimi çox əziyyət çəkiblər. Onların heyətində Eda Ərdəmin son turniri də. O da yığma üçün çox işlər görüb. Edanın da çempion olması gözəl olar".

"Favoritim Türkiyə millisidi. Onlar bu oyunda qalib gələcəklər. Heyətləri çox yaxşıdı. Hesab isə 3:2 "ay ulduzlular"ın xeyrinə olacaq"

"Bu turnirdəki favoritim İtaliya idi. Lakin onlar Türkiyəyə məğlub oldular. Hazırda finalda çıxış edəcək iki kollektivin də oturuşmuş heyəti var. Melissa Varqasın Türkiyə millisinə gəlməsi komandanı daha da gücləndirdi. Türklərdə milli ruh var. Çətin anlarda tez toparlana bilirlər. Serbiya yığması da bildiyiniz kimi Avropa və dünya çempionudu. Hesab barədə nəsə demək çətindi. İstərdim ki, Serbiya qalib gəlsin. Amma bilirəm ki, bu, çətindi. Hər iki milliyə də uğurlar arzulayıram. Güclü olan qalib gəlsin".

“Çox maraqlı final olacaq. Hər iki komanda güclüdü. Türkiyə millisinin bundan əvvəkli Avropa Çempionatındakı məşqçisi hazırda Serbiyanı çalışdırır. Mən Türkiyə və İtaliya qarşılaşmasını qazanan tərəfin Avropa Çempionu olacağını demişdim. Amma idmanda əvvəlcədən nəticə demək düzgün deyil, ən əsas da final görüşlərində. Hər ikisi turnirin qalibi olmağa layiqdi. Təəssüf ki, kimin qalib olacağını deyə bilməyəcəm. Daha az səhv edən və yaxşı oyun göstərən komanda çempion olsun".