Tur cümə günü start götürdü, həm də elə nəticə ilə ki, hər kəs çaşıb qaldı. Murad Musayevin “Sabah”ı səfərdə “Partizan”a uduzandan sonra üzləşdiyi mənəvi-psixoloji böhrandan heç cür qurtula bilmir.

"Football-plus.az" xəbər verir ki, bu gün keçirilən oyunlarla Misli premyer-liqasının 5-ci turuna yekun vurulub. Hər 2 qarşılaşmanı “CBC Sport” canlı yayınlayıb.

Misli premyer-liqası
1-ci dövrə, 5-ci tur
3 sentyabr
Kəpəz – Araz-Naxçıvan 1:2
Mate Kvirkviya, 78 (p.) - Orxan Əliyev, 40 (p.), 45
“Kəpəz”in bu rəqiblə ev oyunlarının balansı: 2:+2=0-0, 10:1.
2000/01 – 6:0; 2001/02 – 4:1.
Cəzalı: yoxdu.
“Futbol+”in proqnozu: 30-40-30.
Hakimlər: KAMRAN ƏLİYEV, Rəhman İmami, Teymur Teymurov, Əli Əliyev.
Hakim-inspektor: Vüsal Əliyev.
AFFA nümayəndəsi: Rüfət Əmirov.
Gəncə. Şəhər stadionu. Saat 17.00.

Gəncədə Azərbaycanın böyük şəhərlərinin komandalarının mübarizəni izləyəcəyik. Həm “Kəpəz”, həm də “Araz-Naxçıvan” bu mövsüm premyer-liqanın autsayderi sayılır. Lakin onların çempionatdakı çıxışı hələ ki qənaətbəxşdi. Hər iki komanda liqada 4 xala malikdi və 8-9-cu pillələrdə qərarlaşıblar. Bu məqamı nəzərə alaraq, qarşılaşmada heç-heçənin qeydə alınacağını söyləyə bilərik.

Ümumiyyətlə, bu kollektivlər indiyə kimi ölkə çempionatında 4 dəfə üz-üzə gəlib. Bu görüşlərin 3-də “Kəpəz”, 1-də “Araz-Naxçıvan” qələbə qazanıb. Topların nisbətində də “sarı-göylər” öndədi – 15:2.

Səbail – Qarabağ 2:1
Aleksandr Ramalinqom, 18 (p.), 41 - Hamidu Keyta, 3
“Səbail”in bu rəqiblə ev oyunlarının balansı: 12:+1=2-9, 6:24.
2017/18 – 0:2, 0:1; 2018/19 – 0:2, 1:2; 2019/20 – 0:4, 0:1; 2020/21 – 1:1, 1:1; 2021/22 – 3:1, 0:3; 2022/23 – 0:3, 0:3.
Cəzalı: yoxdu.
“Futbol+”in proqnozu: 20-30-50.
Hakimlər: KAMRANBƏY RƏHİMOV, Elşad Abdullayev, Zöhrab Abbasov, İslam Məmmədov.
Hakim-inspektor: Babək Quliyev.
AFFA nümayəndəsi: Əsgər Əmirəliyev.
Bakı. “ASCO Arena”. Saat 19.30.

Turun son oyunu “ASCO Arena”da keçiriləcək. Bu mövsüm iddialı olmağı hədəfləyən “Səbail” “Qarabağ”ı qəbul edəcək. Qarşılaşmanın aşkar favoriti “köhlən atlar”dı. Ağdam təmsilçisi çempionatdakı xal itkilərini bərpa etmək istəyəcək. Onsuz da Avropa Liqasının qrup mərhələsinə vəsiqə qazanan kollektivi cari “futbol ili”ndə gərgin oyunlar gözləyir. Bu səbəbdən də ağdamlılar indiki məqamda xal itirmək istəməyəcək.

Bu komandalar ölkə çempionatında 23 dəfə üz-üzə gəlib. Bu görüşlərin 19-da “köhlən atlar”, 2-də “dənizçilər” qələbə qazanıb, 2 oyunda isə qalib müəyyənləşməyib. Topların nisbətində də “Qarabağ” böyük üstünlüyə malikdi – 50:8.

2 sentyabr
Qəbələ - Zirə 1:0
R.Hüseynli, 20
“Qəbələ”nin bu rəqiblə ev oyunlarının balansı: 15:+6=8-1, 17:10.
2015/16 – 0:0, 1:2; 2016/17 – 1:0, 1:1; 2017/18 – 1:1, 2:1; 2018/19 – 0:0, 2:1; 2019/20 – 3:0; 2020/21 – 1:1, 1:1; 2021/22 – 1:1, 0:0; 2022/23 – 1:0, 2:1.
Cəzal: yoxdu.
“Futbol+”in proqnozu: 30-30-40.
Hakimlər: CAVİD CƏLİLOV, Zeynal Zeynalov, Akif Əmirəli, Rəvan Həmzəzadə.
Hakim-inspektor: Asim Xudiyev.
AFFA nümayəndəsi: Mübariz Hüseynov.
Qəbələ. Şəhər stadionu. Saat 18.00.

Həftənin maraqlı görüşlərindən biri Qəbələdə keçiriləcək. 4 turun hamısında məğlub olan “qırmızı-qaralar” bütün görüşlərdə qalib gələn “”Zirə”ni qəbul edəcək. Görüşün favoriti indiki duruma görə “qartallar”dı. Lakin bu qarşılaşmada “Qəbələ” qalib gəlsə, təəccüblənməyə dəyməz. Elmar Baxşıyev hansısa məqamda pis gedişə “dur” deməlidi. Doğma meydanda lideri məğlub etmək yaxşı başlanğıc ola bilər.

Ümumiyyətlə, bu komandalar indiyə kimi Azərbaycan çempionatında 31 dəfə üz-üzə gəlib. Bu görüşlərin 11-də qəbələlilər, 6-da bakılılar qələbə qazanıb. 14 qarşılaşmada isə qalib müəyyənləşməyib. Topların nisbətində də “qırmızı-qaralar” öndədi – 38:27. Daha bir maraqlı statistika var: 2015-ci ildən elitada mübarizə aparan “Zirə” Qəbələ səfərində çıxdığı son 13 duelin 7-də heç-heçə etməklə yadda qalıb. Digər 6 matçda meydan sahibləri qələbə qazanıb, yəni “Zirə” 7 ildi səfərdə “Qəbələ”ni məğlub edə bilmir.

Sumqayıt – Neftçi 0:1

D.Valdez, 74
“Sumqayıt”ın bu rəqiblə ev oyunlarının balansı: 21:+7=3-11, 22:30.
2011/12 – 0:3; 2012/13 – 3:2; 2013/14 – 1:2, 2:0; 2014/15 – 0:1, 0:1; 2015/16 – 1:2, 2:1; 2016/17 – 2:0, 2:0; 2017/18 – 1:0, 2:0; 2018/19 – 0:2, 1:2; 2019/20 – 2:4; 2020/21 – 0:0, 0:1; 2021/22 – 1:1, 0:2; 2022/23 – 2:2, 0:4.
Cəzalı: Rza Cəfərov (Neftçi)
“Futbol+”in proqnozu: 30-30-40.
Hakimlər: RAUF ALLAHVERDİYEV, Müslüm Əliyev, Cəmil Quliyev, Kamal Umudlu.
Hakim-inspektor: Əmrah İbrahimov.
AFFA nümayəndəsi: Elçin Məmmədov.
Sumqayıt. “Kapital Bank Arena”. Saat 20.30.
“Sumqayıt” mövsümə yaxşı başlayıb. Komanda ilk oyunda məğlubiyyət yaşamayıb. “Neftçi”də isə vəziyyəf fərqlidi. Flaqman çempionluq mübarizəsi aparmaq üçün bu qarşılaşmada qələbə qazanmalıdı. Lakin Samir Abasov amilini nəzərə alsaq, “ağ-qaralar”ın işi çətin olacaq.
Ümumiyyətlə, bu komandalar indiyə kimi Azərbaycan çempionatında 43 dəfə üz-üzə gəlib. Bu görüşlərin 12-də “kimyaçılar”, 22-də bakılılar qələbə qazanıb. 9 qarşılaşmada isə heç-heçə qeydə alınıb. Topların nisbətində də flaqman öndədi – 69:46.

1. Zirə 5 4 0 1 5-2 12
2. Turan Tovuz 5 3 0 2 9-6 9
3. Neftçi 5 2 2 1 5-3 8
4. Sumqayıt 4 2 1 1 7-4 7
5. Qarabağ 5 2 1 2 7-5 7
6. Səbail 5 2 1 2 8-9 7
7. Araz-Naxçıvan 5 2 1 2 6-7 7
8. Sabah 4 1 1 2 6-5 4
9. Kəpəz 5 1 1 3 3-6 4
10. Qəbələ 5 1 0 4 2-11 3
Bombardir: Martin Petkov (Turan Tovuz), Aleksandr Ramalinqom (Səbail) – 3.