2023/24 mövsümündə çempionluğa oynayan “Neftçi” heyətini kompektləşdirmək niyyətindədi.

“Football-plus.az” xəbər verir ki, bu səbəbdən flaqman bir futbolçu ilə yolları ayırmaq istəyir. Söhbət yığma üzvü Höccət Haqverdidən gedir. Müdafiəçiyə real təklif də var. Onunla Avstraliyanın “Melburn Viktori” klubu maraqlanır. “Yaşıl qitə” təmsilçisi azərbaycanlı futbolçu ilə ikiillik müqavilə imzalamaq istəyir. Bu keçidlə bağlı “Neftçi” ilə danışıqlar gedir.

Məlumat üçün qeyd edək ki, Avstraliyada “transfer pəncərəsi” sentyabrın 12-də bağlanacaq. Çox güman, bu keçid yığmaların oyunları üçün yaranan fasilədə həllini tapacaq.

30 yaşlı müdafiəçinin flaqmanla birillik müqaviləsi var. Onun sözləşməsi 2024-cü ilin iyunun 30-da bitəcək. “Neftçi” bu keçiddən gəlir əldə etmək istəyir. Bu səbəbdən də keçid hələlik ləngiyir. Məlumat üçün bildirək ki, transfer baş tutacağı təqdirdə Höccət Haqverdi yeni komandasında 300 min dollar məvacib əldə edəcək. Qeyd edək ki, milli üzvü “Neftçi”nin heyətində 20 oyuna çıxıb, birməhsuldar ötürmə verib.

İLKİN SULTANLI