“Heç kimə sirr deyil ki, futbolçu kimi ilk dəfə məhz “Şahdağ”da meydana çıxmışam. Bu işdə komandanın indiki baş məşqçisi Bəhram Şahquliyevin böyük rolunun olması da danılmaz faktdı. Ona görə də təklifə “yox” deyə bilməzdim. “Şahdağ” mənim üçün çox doğmadı. Fəaliyyətini bərpa etdiyini eşidəndə çox sevindim. Klubla birillik müqavilə imzaladım. İnşallah, əlimdən gələn qədər kömək edəcəm ki, Qusarda futbol yenidən dirçəlsin. Düzdü, “Səbail”də də çalışıram. Amma bu, mənə mane olmayacaq. İşlərimi düzgün qrafiklə nizamlayıb ortaya yaxşı nəticə qoymağı planlayıram”.

“Başverənlərdən xəbərimiz var. Klub olaraq bildirmək istəyirik ki, Rahidin “Şahdağ”la çalışması bizim üçün heç bir problem yaratmır. O, həm də bizimlə bərabər çalışacaq. 2-ci liqada çıxış etməsi, “Şahdağ”ın heyətində meydana çıxması normaldı. Həmin klub onun üçün doğmadı. Şəhərində futbolun inkişafına kömək etmək məqsədinə etiraz etmirik”.