İtaliyanın və Avropanın nəhəng klublarından biri olan ''İnter'' Türkiyədə akademiya açmaq qərarına gəlib.

Bu səbəbdən klubun əfsanəsi və vitse-prezidenti Xavyer Zanettinin sentyabrın 19-da akademiyanın açılacağı Mersinə gələcəyi gözlənilir. Zanetti həm yeni akademiyanı ziyarət edəcək, həm də ordakı şəraitlə tanış olacaq. Bundan başqa, tanınmış futbol adamı elə həmin gün təşkil olunacaq qala-tədbirə qatılacaq. Zanetti burda bir çox önəmli isimlə görüşəcək, eyni zamanda akademiyanın açılış mərasimi baş tutacaq. Bir gün sonra isə argentinalının akademiyada gənc futbolçular və şagirdlər ilə görüşü planlaşdırılır. Qeyd edək ki, Türkiyədə ''Real'', ''Barselona'', ''Çelsi'' kimi digər tanınmış klubların da akademiyaları mövcuddu.
İtaliyadan söz düşmüşkən, bir xəbəri də diqqətinizə çatdıraq. Karyerasını ''Torino''da davam etdirən gənc türkiyəli vinger Əmirhan İlkhan son turda yol verdiyi səhvlə bağlı açıqlama verib. Xatırladaq ki, 18 yaşlı futbolçu Turin təmsilçisinə bu yay 4,5 milyon avro qarşılığında ''Beşiktaş''dan transfer olunub. İlkhan 5-ci turda ''Leççe'' ilə qarşılaşmada ilk dəfə start heyətində meydana çıxmış və 64 dəqiqə ərzində sərgilədiyi futbolla alqış qazanmışdı. 6-cı tur isə bu futbolçu və onun komandası üçün uğursuz oldu. Əmirhan ''İnter''lə səfər oyununda 69-cu dəqiqədə meydana çıxdı. Onun komandası bu çətin səfərdən 1 xalla qayıtmağa yaxın idi. Amma 89-cu dəqiqədə Marselo Brozoviç qonaqların qapısına yol taparaq milanlılara minimal hesablı qələbə qazandırdı. Qol epizodunda məhz türkiyəli futbolçunun səhvə yol verməsi gözdən qaçmadı. Əmirhan sona qədər Brozoviçin arxasınca qaçsa da, nədənsə ayağını topa uzatmaqdan çəkindi. Onun arxasında olan Brozoviç isə bundan faydalanaraq bir toxunuşla topu tora göndərdi. Bununla bağlı sosial şəbəkədə paylaşım edən İlkhan bunları yazıb: '