"Qarabağ" Misli premyer liqasının 4-cü turunda öz meydanında "Kəpəz"lə (1:1) hesabıyla heç-heçə edib.

"Football-plus.az" xəbər verir ki, oyundan sonra ağdamlıların baş məşqçisi Qurban Qurbanov media nümayəndələrin önünə çıxıb. Sizi mütəxəssisin fikirləri ilə tanış edirik:

- Oğlunuz Musa Qurbanlı bu gün İsveç çempionatında 2 qol və 1 məhsuldar ötürmə elədi. Bu barədə nə deyə bilərsiz?
- Təkcə oğlum olaraq yox, bir azərbaycanlı futbolçu kimi onun uğurlarına sevinirəm. İnşallah, davamı gələr.

- Luka Quqeşaşvilinin komandadan ayrılacağı və Kadi Borqesin icarə əsasında yenidən "Qarabağ"a qayıdacağı deyilir. Bu məsələ haqda fikirləriniz nədi?
- Düzünü desəm, bu haqda heç bir məlumatım yoxdu.

- Uzun müddətdi siz zirvədə olurduz. Amma bu mövsüm "Zirə" 4 oyunda qalib gəlib və liderdi. Sizin üçün sürpriz olmadı ki?
- Bu nəticələrə sevinirəm. Rəşad Sadıqov da bizim yaxınımızdı. Onun uğuru da ölkə futbolu üçün xeyirdi.

- 4 oyun keçirmisiz və 7 xal yığmsız. Bu nəticə sizi qane edir?
- Normal nəticələrdi. Futbolçular üzərinə də ağır iş düşür. Oyunçularım bəzən məşq prosesi də pozulur. İnşallah, bunun qarşıdakı oyunlarda nəticəsin görəcəyik. Belə məğlub xallar itirmək də komandaya müsbət mənada təsir edir. Çünki oyunçularım növbəti matçlara daha ciddi hazırlaşıb, 3 xal qazanmaq üçün mübarizə aparırlar.

- Andrey Lunyovun çıxışına necə qiymət verərdiz?- Mənə görə normal çıxış elədi.

CAVİD ƏLİYEV