“Şəhriyar həm yaxşı futbolçu, həm də yaxşı insan idi”
Yaxşı adamların ölümü də acı olur, hər kəs belə itkisini içində yaşayır, qovrulub qalır. Dünəndən sosial şəbəkələr Şəhriyar Rəhimovun vaxtsız vəfatından təəssüf duyan adamların mesajları ilə doludu.
Sabiq futbolçulardan bəziləri “Football-plus.az" saytına onunla bağlı danışdı.
Ceyhun Sultanov:
"Şəhriyar Rəhimov haqda çox danışmaq olar. O həm yaxşı futbolçu, həm də yaxşı insan idi. Amma indi onun haqda danışmaq mənə çox çətindi. Şəhriyar vaxtsız aramızdan getdi, hələ də onun ölümünə inana bilmirəm. Futbolçumuza Allahdan rəhmət, ailəsinə səbr diləyirəm".
Xəyal Zeynalov:
"Şəhriyar barədə deyiləcək o qədər söz, danışılacaq çoxlu xatirəm var. Amma bu gün nəsə danışmaq çox ağırdı. Çünki, Şəhriyarın belə cavan yaşında bizi tərk etməsini heç birimiz gözləmirdik. Allahdan ona rəhmət diləyirəm".
ABDULLA İSMAYILOĞLU
Digər xəbərlər
