Bernardo Silva “Mançester Siti” ilə yenidən anlaşıb.

"Football-plus.az" xəbər verir ki, portuqaliyalı futbolçunun müqaviləsinin müddəti 2026-cı ilin yayınadək uzadılıb. Komandada 2017-ci ildən oynayan yarımmüdafiəçinin məvacibinin artırıldığı da məlum olub. Amma İngiltərə klubu bununla bağlı konkret məlumat yaymayıb.

Bernardo indiyədək mavi formada meydana çıxdığı 308 oyunda 55 qol vurub. Onun MS ilə 15 titul qazandığını da bildirək.