"Rəqibə meydanda sərbəst hərəkət etmək üçün şərait yaratdıq. "Partizan" böyük qüvvə ilə irəli atıllr, bu da bizə sürətli əks-hücumlar qurmaq üçün yaxşı imkanlar yaradırdı. Lakin bundan faydalana bilmədik. İkinci qolu buraxandan sonra oyun sakit məcrada keçdi. Əlavə vaxtda sərgilədiyimiz oyundan razı qaldım. Sonradan meydana çıxan futbolçular hücumda yaxşı oyun sərgilədilər. Bir neçə fürsətimiz olsa da, dəyərləndirə bilmədik. Təəssüf ki, penalti seriyasında məğlub olduq. Avrokuboklarda keçirdiyimiz bu 4 matç bizə böyük təcrübə qazandırdı. Bu, bir çox oyunçunun ilk avrokubok təcrübəsi idi. "Partizan" böyük təcrübəyə malik komandadı. Rəqibi növbəti mərhələyə keçmələri münasibəti ilə təbrik edir, qarşıdakı oyunlarda uğurlar arzulayıram. Bakıdakı ilk oyunda tam dominantlıq etdik, iki yox, dörd top vura bilərdik. Cavab görüşündə isə daxili və tribunaların təzyiqinin öhdəsindən gəlməyi bacarmadıq. Yalnız ümumi hesab bərabərləşəndən sonra oynamağa başladıq. Əlavə vaxtı yaxşı keçirdik, rəqibə “qırmızı” qazandırdıq, qol vurmaq imkanımız oldu. Təəssüf ki, penalti seriyasında uduzduq. İlk yarı pis alındı. Topu ala bilmir, hücuma və təkbətək mübarizələrə yaxşı qoşulmurduq. Oyundan əvvəl danışmışdıq ki, əsas vəzifə hücuma getmək, hesabı qorumaq üçün oynamamaqdı. Nəticə ədalətlidimi? Belə deməzdim. Bunun günahkarı özümüzük. Bakıda daha çox qol vurmaq və Serbiyada ilk dəqiqələrdən fərqli oynamaq lazım idi. Uşaqlar üçün bu ilk avrokubok təcrübəsidi, nəticə çıxarmaq lazımdı. Hər şey öz əlimizdə idi, daha irəli gedə bilmədiyimizə görə özümüz günahkarıq. Klub rəhbərliyinin sözlərinə gəlincə, minnətdarlıq etdilər, dedilər ki, əla iş görülüb. Üç qələbə qazandıq, parlaq futbol oynadıq. Ötən mövsümlə müqayisədə birlikdə 33 top vuran. 22 məhsuldar ötürmə verən iki hücumçunu itirmişik. Onlardan biri “Patizan”la ilk oyundan bir gün əvvəl ayrıldı. Yenilərdən bəziləri zədəli idi və toplanışı buraxdı, bəziləri gec – toplanışın ortasında qoşuldu. Bütün itkiləri sona qədər kompensasiya edə bilmədik, heyətin komplektləşməsi davam edir, transferlər gözləyirik. Ən acı məğlubiyyət? “Krasnodar”la “Valensiya”ya qarşı oyunda həlledici qolu sona 30 saniyə qalmış buraxdıq. O daha ağır idi. Burda isə statusu daha yüksək olan rəqibə yaxşı müqavimət göstərdik. Ona görə ağırdı ki, qrupa düşə bilərdik. Amma bu futboldu”.