Murad Musayev razı qalıb
"Sabah"ın baş məşqçisi Murad Musayev Polşanın "Varta" (Poznan) klubuna qarşı keçirdikləri oyunu şərh edib.
Football-plus.az xəbər verir ki, rusiyalı mütəxəssis 1:1 hesabıyla başa çatan görüşlə bağlı bunları deyib:
“Komandanın sərgilədiyi futboldan razı qaldım. Oyuna nəzarət edir, qol fürsətləri yaradırdıq. Futbolçular oyunboyu pressinq etdilər. Fasilədən sonra ilk matçımız olduğunu nəzərə alsaq, keyfiyyətli oyun nümayiş etdirdiyimizi deyə bilərəm. Bu matçda hər şeydən razı qaldım, son dəqiqədə buraxılan qoldan başqa. Futbolu qalib gəlmək üçün oynayırıq. Bütün oyuna nəzarət edirsənsə, matçın son dəqiqəsində belə diqqətsizliyə yol vermək olmaz. Qeyd etdiyim kimi, son dəqiqədə buraxılan qolu çıxmaq şərtilə bütün oyundan razı qaldım”.
Digər xəbərlər
