“Beşiktaş”la oyundan sonra “Neftçi”nin futbolçuları üzgün görünürdü.

Lakin onlar dərk edirdilər ki, rəqib olduqca güclü və keyfiyyətli oyunçulardan qurulan kollektivdi. Flaqmanın üzvlərindən İvan Brkiç də belə düşünürdü. Görüşdən sonra “Futbol+”ə danışan qolkiper “Beşiktaş”ın təcrübəli olduğunu söylədi. Xorvatiyalı qapıçı ilə müsahibəni diqqətinizə çatdırırıq…

- 1:2 hesablı məğlubiyyəti necə şərh edərdiz?
- Oyun bizim üçün yorğun keçdi (gülür). İlk görüşdən sonra iki top fərqi ilə geridəydik. İstanbulda da bizi çətin qarşlaşmanın gözləyəcəyindən xəbərdar idik. İlk 45 dəqiqədə çox yaxşı oynadıq. İkinci hissədə daha çox hücum edib, növbəti qolları vuracağımıza ümid edirdik. Rəqibin gücünü də qeyd etmək lazımdı. “Beşiktaş”ın oyunçuları təcrübəlidilər. Komandamız ikinci hissədə artıq yorulmuşdu. Düşünürəm ki, bu hal bizim üçün əsas problem oldu. Özümüzə gələ bilmədik. Onlar çox güclü azarkeş dəstəyi altında oynayırdılar. İkinci hissədə "Beşiktaş" daha güclü oyunçuları meydana atdı. Biz onlara qarşı oyunda 100 faizlik performansı ortaya qoymalıydıq. Belə hallara hazır olmaq, soyuq başla düşünmək lazımdı. Düşünürəm ki, ümumilikdə yaxşı oyun keçirdik. Artıq bu səhifəni bağlamalı, Azərbaycan çempionatındakı oyunlar və qələbələr barədə düşünməyə başlamalıyıq.

- Belə atmosferdə oynamaq “Neftçi” üçün nə dərəcədə çətin idi?
- Heyətdə hər kəs bu cür atmosferdə, belə komandalara qarşı oyunlar keçirməyi xəyal edir. Belə atmosferdə oynamaqdan həzz alırıq. Bakıdakı azarkeşlərimiz də "Beşiktaş" azarkeşlərindən möhtəşəm atmosfer yaratmaq baxımından geri qalmırdı. Türkiyəyə bu oyun üçün gələn bütün azarkeşlərimizə öz təşəkkürümü bildirirəm.

- “Beşiktaş”ın səviyyəsi, keyfiyyəti hər kəsə məlumdu. Razısız ki, başqa bir rəqiblə oynasaydız, mərhələ adlamaq şansınız daha çox olardı?
- Hər komandaya qarşı fərqli oynamağa məcbursan. Biz bu barədə düşünmürdük. Rusiyada olarkən "Fənərbaxça"ya qarşı da oynamışdıq. Minimal hesabla məğlub olmuşduq. Bundan əlavə, “Spartak”, “Zenit” kimi rəqiblərlə qarşılaşdıq. Hər oyun insanın yaddaşında fərqli qalır. Biz qalib gələ və ya uduza bilərik. Ola bilərdi ki, daha zəif komandaya məğlub olaraq mübarizəni dayandıraq. Bu futboldu, Hər şey baş verə bilər.

- Qeyd etdiyiniz kimi, artıq diqqəti ölkə çempionatına yönəldəcəksiz. "Sabah"la matçdan gözləntiləriniz nədi?
- “Sabah”la oyuna hazırlaşmaq üçün çox qısa zamanımız var. Azərbaycan çempionatında artıq qələbələr qazanmağa başlamalıyıq. Son 2 turda bir heç-heçəmiz və bir məğlubiyyətimiz var. Mütləq istəyimiz qələbə qazanmaqdı.

İsmayıl Zülfüqarlı isə oyunla bağlı bunları dedi: