Ruban danışdı: “Almaniya ilə oyunda da yaxşı nəticə istəyirik”
Qadın voleybolçulardan ibarət yığma Avropa çempionatındakı ilk oyunda Çexiyanı məğlub etsə də, əsl gücümüz bugünkü Almaniya ilə oyunda bilinəcək.
Çexiya ilə oyunda 15 xal qazanan Yelizaveta Ruban "Football-plus.az"a fikirlərini bölüşdü:
"Bu oyuna uzun müddət və diqqətlə hazırlaşmışıq. İlk setdə görüşə köklənməyə çalışdıq. Komanda şəklində mübarizə apardıq. 1-ci set çətin keçsə də, rəqibin zəif cəhətlərini görəndən sonra növbəti setlər bizim üçün yaxşı alındı”.
28 yaşlı hücumçu Almaniya ilə oyun haqda da fikirlərini söylədi:
"Almaniya ilə oyun daha çətin olacaq. Görüşə köklənmək üçün bir gün vaxtımız var. Amma biz istənilən rəqibə qarşı oynaya bilərik. Artıq Çexiya ilə qarşılaşmanı unudub, Almaniya ilə oyunda yaxşı oyun göstərmək və nəticə qazanmaq istəyirik. Şansımız da var".
CAVİD ƏLİYEV
Digər xəbərlər
