PSJ ilə “Roma” arasında iki transfer əməliyyatı reallaşıb.

"Football-plus.az" xəbər verir ki, Fransa klubunun oyunçuları İtaliya paytaxtına yollanıblar.

“Roma” PSJ-dən yarımmüdafiəçi Leandro Paredesi transfer edib. Argentina millisinin üzvü ilə 2 illik müqavilə imzalanıb. Qeyd edək ki, 29 yaşlı Paredes 2014-15 və 2016-17-ci illərdə “Roma”da çıxış edib. Daha sonra “Yuventus” və PSJ-də oynayıb.

Renato Sanşeş də İtaliya klubuna üz tutub. “Roma” onu birilliyə icarəyə götürüb. Portuqaliyalı yarımmüdafiəçi müəyyən şərtlər daxilində növbəti mövsümün sonunda romalılarla daimi əsasda müqavilə bağlaya bilər.

Yeri gəlmişkən, Nemanya Matiç artıq “Roma”nın oyunçusu deyil. O, İtaliya klubunu tərk edib. Serbiyalı yarımmüdafiəçi “Renn” ilə anlaşıb. Matiç Fransa klubu ilə müddəti 2025-ci ilin yayına qədər nəzərdə tutulan müqavilə bağlayıb. Transfer “Renn”ə 2 milyon avroya başa gəlib. Nemanyanın “Roma”nı baş məşqçi Joze Mournyo ilə münaqişə səbəbindən tərk etdiyi məlum olub. O, paytaxt klubuna 2022-ci ildə “Mançester Yunayted”dən keçmişdi.