"Beşiktaş"ın baş məşqçisi Şenol Güneş Bakıda "Neftçi"ni 3:1 hesabıyla məğlub etdikləri Konfrans Liqasının 3-cü təsnifat mərhələsinin ilk oyunundan sonra Türkiyə futbolunun tarixinə düşüb.

"Football-plus.az" xəbər verir ki, baş məşqçi kimi avrokuboklarda 41-ci matçına çıxan 71 yaşlı mütəxəssis 20-ci qələbəsini qazanıb. Güneş bu göstərici ilə hazırda klubsuz olan "Qalatasaray"ın sabiq baş məşqçisi Fatih Terimin rekordunu təkrarlayıb.

Bu arada "Beşiktaş" bizə də yaxşı tanış olan Berkay Vardarı icarəyə verib. 20 yaşlı yarımmüdafiəçi qarşıdakı iki mövsümü Moldova "Şerif"ində keçirəcək. Gənc oyunçu 2021-ci ildə Azərbaycanın U-19 yığmasının heyətində 3 oyun keçirib. Bir il sonra isə Türkiyənin U-21 millisinə çağırılıb və iki yoxlama matçında meydana çıxıb.