Türkiyə yığmasından ayrıldıqdan bu yana işsiz olan Şenol Günəşin növbəti seçimi maraq doğurur.
Bu arada məhşur mütəxəssisin qardaşı Bahattin Günəş onun gələcəyi ilə bağlıTürkiyə mətbuatına açıqlamalar verib. Qeyd edək ki, Şenol Günəşin kiçik qardaşı olan Bahattin ''Trabzonspor''un sonuncu dəfə çempion olduğu 1983/84 mövsümündə heyətdə idi və hazırdaTürkiyənin 3-cü divizionunda çıxış edən ''Afyonspor''un baş məşqçisi vəzifəsini icra edir. O bunları deyib:
''Əslində ''Beşiktaş'' Sərgən Yalçınla yollarını ayırdıqdan sonra Şenol Günəşlə anlaşmağa dəfələrlə səy göstərdi. Çünki qardaşım orda 2 çempionluq yaşayıb və camiədə çox sevilir. Amma o vaxt anlaşmaq mümkün olmadı. Şenolun bundan sonrakı qərarının necə olacağını bilmirəm. Təkliflər çoxdu. Dubaydan, BƏƏ-dən, Avropadan, hətta konkret ''Sent-Etyen''dən təklif alıb. Hələki, beyni qarışıqdı və təklifləri nəzərdən keçirir. Adı bir ara federasiya prezidentliyinə namizədlər arasında da çəkilirdi. Onun federasiya başqanı olması Türkiyə futboluna böyük fayda verər. Amma indi bunun baş tutma ehtimalı azdı. Çünki karyerasını bitirməyi planlaşdırmır. Ola bilərki, xaricdə 1-2 işlədikdən sonra vətənə qayıdıb federasiya prezidenti seçilsin''.
''Sent-Etyen'' bu mövsüm Liqa-1-i tərk etməyə əsas namizədlərdən sayılsa da, Fransanın ən titullu klublarından biridi. ''Sent-Etyen'' hazırda 10 çempionluqla PSJ ilə birlikdə Fransada ən çox çempionluq sevinci yaşayan iki klubdan biridi.