Junior Messias “Milan”ı tərk edib.

"Football-plus.az" xəbər verir ki, braziliyalı futbolçu karyerasını İtaliyanın başqa klubunda davam etdirəcək. Onu birilliyə “Cenoa” icarəyə götürüb. Genuya klubu gələn ilin yayında müəyyən şərtlər daxilində Messias ilə daimi əsasda müqavilə bağlamaq hüququna malikdi.

32 yaşlı yarımmüdafiəçinin əvvəlcə “Milan”la müqaviləsinin müddətini 2025-ci ilin yayına qədər artırdığını da bildirək. Bu klubda 2021-ci ildən çıxış edən Junior qırmızı-qara formada meydana çıxdığı 68 oyunda 12 qolun və 5 məhsuldar ötürmənin müəllifi olub.