Çempionlar Liqasında 3-cü təsnifat mərhələsinin növbəti matçları keçirilib.

"Football-plus.az" xəbər verir ki, ikinci oyun günündə 3 qarşılaşma baş tutub.

Fransa "Marsel"i Yunanıstanda "Panatinaikos"a bir cavabsız qolla uduzub. İsrailin "Makkabi" (Hayfa) komandası Slovakiyada "Slovan"a 2:1 hesabı ilə qalib gəlib. Şotlandiyada isə "Reyncers" İsveçrənin "Servett" klubunu məğlub edib - 2:1.

Çempionlar Liqası
3-cü təsnifat mərhələsi, ilk oyunlar
9 avqust

"Panatinaikos" (Yunanıstan) - "Marsel" (Fransa) - 1:0
Qol: Bernard, 83
Qırmızı vərəqə: Joffre Kondoqbia, 63 ("Marsel")

"Slovan" (Slovakiya) - "Makkabi" (Hayfa, İsrail) - 1:2
Qollar: Yuray Kuçka, 12 - Fratsdi Pyero, 5. Dia Saba, 15

"Reyncers" (Şotlandiya) - "Servett" (İsveçrə) - 2:1
Qollar: Ceyms Tavernye, 6. Siril Dessers, 15 - Kris Bedia, 44
Qırmızı vərəqə: David Dulin, 60 ("Servett")

Qeyd edək ki, bu raundun əvvəlki görüşləri avqustun 8-də oynanılıb. Yunanıstanda AEK və Xorvatiyanın "Dinamo" (Zaqreb) komandası arasında keçirilməli olan oyun isə yerli azarkeşin öldürülməsinə görə avqustun 19-na təxirə salınıb.