“Mançester Siti” çoxdan hədəfə aldığı futbolçunun transferini reallaşdırıb.

“Football-plus.az” xəbər verir ki, Yoşko Qvardiol praktiki cəhətdən İngiltərə klubunun oyunçusu sayıla bilər. İngiltərə klubu bu transfer üçün “Leyptsiq”ə 90 milyon avro ödəyəcək. Bu isə o deməkdi ki, Yoşko futbol tarixinə ən bahalı müdafiəçi kimi düşəcək. 21 yaşlı futbolçu artıq MS-nin düşərgəsində tibbi müayinənin ilkin mərhələsindən keçib.

Əlavə edək ki, İngiltərə klubu Kayl Uokeri sıralarında saxlamaq istəyir. Cinah müdafiəçisinin “Bavariya”nın hədəfində olduğu məlumdu. Kayl da karyerasını bu klubda davam etdirmək istəyir. Lakin MS rəhbərliyi ona yeni təklif irəli sürmək qərarına gəlib.