Avropa Liqasının 3-cü təsnifat mərhələsinin ilk oyunu çərçivəsində keçiriləcək "Qarabağ" - HİK oyunundan öncə təşkil ediləcək mətbuat konfransları və media nümayəndələri üçün açıq məşqin vaxtı məlum olub.

"Football-plus.az" klubun mətbuat xidmətinə istinadən xəbər verir ki, Ağdam klubunun baş məşqçisi Qurban Qurbanovun mətbuat konfransı avqustun 9-u saat 18.10-da “Azersun Arena”da baş tutacaq. 18.30-da isə media nümayəndələri üçün açıq məşq (İlk 15 dəqiqə) keçiriləcək.

Qonaq komandanın baş məşqçisi Toni Korkakunnasın mətbuat konfransı 19.30-da, açıq məşqi isə 20.00-dа Tofiq Bəhramov adına Respublika stadionunda reallaşacaq.

Media nümayəndələrinin “Azersun Arena”dan Tofiq Bəhramov adına Respublika stadionuna gedişi üçün nəqliyyat vasitəsi ayrılacaq.

Qeyd: Avrokubokların ilk 3 mərhələsi üçün qeydiyyatdan keçmiş və akkreditasiyalarını götürmüş media mənsubları media biletlərini avqustun 8-i və 9-u saat 11.00-dan 18.00-dək Tofiq Bəhramov adına Respublika stadionunun media mərkəzindən götürə bilərlər.