Konfrans Liqasında 2-ci təsnifat mərhələsinə yekun vurulub.

"Football-plus.az" xəbər verir ki, "Neftçi" "Jelezniçar"ı məğlub edib - 2:0. Matçdan sonra "ağ-qaralar"ın çalışdırıcısı Adrian Mutunun mətbuat konfransı keçirilib. Sizi mütəxəssisin fikirləri ilə tanış edirik:

"Ağır oyun oldu. Hər iki matça baxsaq, yaxşı oynadıq. Növbəti mərhələyə adlamağa layiq idik".

- Növbəti mərhələdə böyük ehtimalla "Beşiktaş"la oynayacaqsız. Fikriniz necədi?
- Hər ikisi çox gözəl oyun olacaq. "Beşiktaş" güclü rəqibdi. Amma bu matça qədər çempionatda oyunumuz var. Sabahdan etibarən həmin qarşılaşma haqda düşünəcəyik.

- Bu gün meydanda gördüyünüz "Neftçi" görmək istədiyinizin neçə faizidi?
- Deyə bilmərəm, görmək istədiyim "Neftçi"nin neçə faizidi. Amma bu yolda işləyirik. Yavaş-yavaş formamızı bərpa edəcəyik.

- Mərkəz hücumçusu bölgəsində problem görünür. Hədəfiniz kimdi?
- Hazırda iki gənc hücumçumuz var. Buna baxmayaraq, yenə də gətirmək istəyirik ki, rəqabət artsın. Bu, bir az vaxt, zaman aldı.

- Gələn futbolçular gedənlərdən səviyyəcə çoxmu üstündü?
- Oyunçuları müqayisə etmək istəməzdim. Hər məşqçinin işinə hörmətlə yanaşıram. Hər şeyə əvvəldən başlamışıq. Hara kimi irəliləyəcəyimizi bilmirəm.

- Azər Əliyevin durumu necədi?
- Dirsəkdən zədə alıb, xəstəxanadadı. Ümid edirəm ki, düzələcək.

- "Tirana" - "Beşiktaş" matçı davam edir. Hansı komanda ilə qarşılaşmaq istəyərdiz?
- Mənim üçün sözün düzü, istədiyim rəqib yoxdu, hansı olursa-olsun. Çalışacağıq ki, öz oyunumuzu oynayaq və inkişaf edək.

- Bundan əvvəl məşqçilər yerli futbolçuların səviyyəsi ilə bağlı müəyyən problemləri dilə gətirirdi. "Neftçi" yerli və legionerlərlə birlikdə premyer-liqada çempion olmağa hazırdı?
- Yerlilər barədə şikayət etmək istəmirəm. Heyətdə çox güclü və təcrübəli yerli futbolçular var. Oyunçularım tapşırıqlarımı yaxşı qavrayırlar, yerinə yetirirlər. Qarşımıza qoyulan məqsəd titul qazanmaqdır. Bu, heç də asan iş deyil, uzun yoldu. Çalışacağıq. Bilmirəm hara kimi gəlib çıxa biləcəyik. Amma söz verirəm ki, hər oyunda 100 faizimizi meydanda verəcəyik.

- Ervin Koffinin vəziyyəti nə yerdədi və hazırlığı sizi qane edir?
- Koffi zədəlidi, amma buna baxmayaraq, istədim ki, kollektivlə birlikdə olsun. Biz ailəyik. Birlikdə olmalıyıq. Hətta Qara Qarayev və digər zədəlilər də bizimlə birlikdədi.

- Qara Qarayevin "Neftçi"də vitse-kapitan olmaq imkanı var?
- Qara çox yaxşı futbolçudu, milli üçün də önəmli oyunçulardandı. Hazırda komandanın kapitanı var, Emin Mahmudovdu. Qara ilə dostdular, qardaş kimidilər. Fərq etməz, kapitan sarğısını kim daşıyır. Əsas odu ki, Qara və ya digərləri lider kimi davranıb, liderlik göstərsinlər. Emin də kapitandı, Eddi də. Digər güclü oyunçularımız var. Vacib deyil sarğını kim daşıyır, əsas olan lider kimi davranmaqdı.